काठमाण्डौं,५ साउन । बिभिन्न गुट उपगुटमा बिभाजन हुँदै गएको रामेछाप काँग्रेसमा एकताको प्रयास हुन थालेको छ ।
काँग्रेसको चोधौं महाधिवेशन नजिकिदै गएपछि जिल्लामा भएको गुट उपगुटलाई निस्तेज गरी काँग्रेस एक भएको सन्देश दिने उदेश्यका साथ सहमति,सहकार्य र एकताका लागि नेपाली काँग्रेसका पुर्व पार्टि सभापति रामचन्द्र खड्काको नेतृत्वमा मंगलबार काठमाण्डौमा भेलाको आयोजना गरिएको थियो ।
कार्यक्रममा सहभागि अधिकांस काँग्रेस का वडा,नगर,प्रदेश र जिल्ला तहका नेताहरुले काँग्रेस भित्र देखिएको गुट उपगुटको अन्त्य गरी एक भएर नेतृत्व चयन गर्न सके मात्र अब आउने सबै खाले चुनाबमा बिपक्षि दल लाइ पराजय गर्न सकिने बताएका थिए ।
सो अबसरमा बोल्दै पूर्व पार्टीे सभापति रामचन्द्र खड्काले आफुले दुबै खाले गुटका सिनियर नेताहरुसँग छलफल थालिसकेको र अझै पनि अन्तिम प्रयत्न गर्ने बताउनु भयो । उहाले पटक पटक प्रयास गर्दा पनि सहमति हुन नसके आ–आफ्नो टिम बनाएर अधिबेशनमा सहभागि हुने पनि बताउनुभयो । उहाले एउटा यो टिम बाट सभापतिका आकाक्षी अजुन के शी, कृष्ण महत र भरत चौलागाई मध्ये १ जना सहमति गरेर आए अर्को टीम सँग कुरा गर्न सजिलो हुने बताउनु भयो ।
उहाले अब हुने अधिवेशनमा परिस्थिति अनुसार चल्नका लागि तयार भएर रहन पनि कार्यकर्ताहरुर्लाइ अनुरोध गर्नु भयो ।
त्यसैगरी आसन्न चौधौ महाधिवेशनको पूर्व सन्ध्यामा मन्थलीमा पनि महाधिबेशन केन्द्रीत बहस तथा छलफल कार्यक्रम सम्पन्न भएको छ । कार्यक्रममा वडा, पालिका, प्रदेश र जिल्ला अधिबेशको बारेमा जानकारी गराउनुका साथै विद्यमान विधानका वारेमा समेत जानकारी गराइएको थियो ।
सो कार्यक्रमले जिल्लाको अधिवेशन केन्द्रीत छलफलहरु काठमाण्डौमा हुन थालेकोले जिल्ला मै यस्ता छलफलहरु पर्याप्त हुनपर्ने निष्कर्ष पनि निकालेको छ ।
यो बारेमा तपाईको प्रतिकृया