रामेछाप । मन्थली नगरपालिकाका प्रमुख रमेश कुमार बस्नेतले राज्यलाई कर तिर्नु नागरिकको दायीत्व भएको बताएका छन् । सो कुरा उनले बुधबार मन्थलीमा आयोजित कर सप्ताहाको उद्घाटन् गर्ने क्रममा बताएका हुन् । राज्यलाई कर तिर्नु पर्दा दुख मन गर्ने हाम्रो संस्कार गलत रहेकाले कर तिरेर जिम्मेवार नागरिक बन्नका लागि सबै पेशा ब्यवसायी सँग आग्रह गर्नु भयो ।
राज्यलाई आम्दानी हुनेले मात्र कर तिर्ने भएकोले कर असुलिलाई सकरात्मक तरिकाले बुझेर राज्यलाई सहयोग गर्न पनि प्रमुख बस्नेतले सर्ब साधारणलाई आग्रह गर्नु भयो । करोडौको गाडि चढेर बीस रुपैया कर तिर्न झगडा गर्नेहरु पनि आफनो समाजमा रहेको उदाहरण प्रस्तुत गर्दे प्रमुख बस्नेतले हामिले तिरेको करबाट मात्र समाज र मुलुकको सम्बृद्धि संभब हुने भएकोले सबैलाई करको दायरामा आउन पनि आग्रह गर्नु भयो ।
करदाता सेवा कार्यालय मन्थलीको आयोजना र रामेछाप उद्योग वाणिज्य संघको समन्वयमा भएको उक्त कार्यक्रममा गत आर्थिक बर्षमा जिल्ला भरिमा सबै भन्दा बढि कर तिर्ने लक्ष्मी स्टोर्स मन्थलीका प्रोपाईटर श्याम थापा र उत्कृष्ठ काम गरेवापत करदाता कार्यालय मन्थलीका कर्मचारी नविन घिमिरेलाई प्रमुख अतिथी मेयर बस्नेत र प्रमुख जिल्ला अधिकारी दीपक पहाडीले सम्मान गर्नु भएको थियो ।
रामेछाप उद्योग बाणिज्य संघका अध्यक्ष केशब घिमिरेको अध्यक्षतामा भएको उक्त कार्यक्रममा प्रजिअ दीपक पहाडी,करदाता सेवा कार्यालयका प्रमुख कृष्ण प्रसाद न्यौपाने नेपाल पत्रकार महासंघ रामेछापका अध्यक्ष बद्री नयाँघरे, उद्योग वाण्ज्यि संघ वागमति प्रदेशका सदस्य श्याम थापा , रामेछाप उद्योग वाणिज्य संघ रामेछापका महासचिब नबराज ढुँगेल लगाएतका बक्ताहरुले कर दीवस र त्यसको महत्वका बारेमा प्रकाश पार्नु भएको थियो । कार्यक्रम अघि कर कार्यालयबाट निस्किएको र्यालीले बजार परिक्रमा गरेको थियो ।
यो बारेमा तपाईको प्रतिकृया