रामेछाप १८,माघ । रामेछाप नगरपालिका–८ वाबियाखर्कका समाजसेवी शम्भु प्रसाद घिमिरेले रामेछाप नगरपालिकाका तीन वटा विद्यालयका एक हजार दुईसय सत्तरी जोर न्यानो कपडा वितरण गर्नु भएको छ ।
लाइन्स क्लव अफ रामेछापको आयोजना तथा फेलोसिप लाएन्स क्लवको सहकार्यमा पूर्व जिल्ला गभरर्नर घिमिरेको समन्वयमा मंगलबार औपचारिक कार्यक्रमकाको आयोजना गरी गौरी शंकर मावि श्री मावि भंगेरी र वाल मन्दिर आधारभूत बिद्यालय रामेछापका वालवालिकाहरुलाई न्यानो कपडा बितरण गर्नु भएको हो ।
उहाले गौरीशंकर माविमा ७ सय ६० जोर ,श्री मावि भंगेरीमा ३ सय ६० जोर न्यानो कपडा तथा खेलाडी हरुका लागि ६० जोर जर्सि र बाल मन्दिर आधारभुत विद्यालय रामेछापका लागि १ सय ५० जोर कपडा उक्त बिद्यालयहरुमा अध्ययनरत वाल वालिकाहरुका लागि वितरण गर्नु भएको हो ।
यस अघि शारदा संस्कृत मावि बावियाखर्क लगायतका विभिन्न विद्यालयमा उहाँले न्यानो कपडा र जुत्ता मोजा बितरण गर्नु भएको थियो ।
घिमिरेले सबै विद्यालयका ब्यवस्थापन समितिका पदाधिकारीहरु र विद्यालय संगको समन्वयमा न्यानो कपडा वितरण गर्नु भएको हो ।
न्यानो कपडा वितरण कार्यक्रम अन्तर्गत गौरीशंकर माविमा रामेछाप नगरपालिकाकी प्रमुख सृजना खड्काले कपडा वितरण कार्यक्रमको प्रमुख आतिथ्यता गर्नु भएको थियो । कार्यक्रममा बोल्दै उप–प्रमुख खड्काले समाजसेवी घिमिरेले विद्यालयका वाल वालिकाहरुका लागि र अन्य क्षेत्रमा पु¥याउनु भएको योगदानको प्रशंसा गर्नु भएको थियो । घिमिरेले आफ्नो जन्मभूमिलाई मुल आधार बनाएर पालिका भित्रका वाल वालिकाहरुलाई लक्षित गरी गरेको काम प्रति अबिभाबक र नगरपालिकाले समेत सदैब स्मरण गरी राख्ने बताउनु भयो ।
कार्यक्रमा वोल्दै घिमिरेले आफुले गरेको अभियानलाई नगरपालिका मार्फत विद्यालय ब्यवसथापन समितिहरु सँगको समन्वयमा नगरका सबै विद्यालयमा वितरण गर्न चाहेको बताउनु भयो । उहाँले अभियानमा नगरपालिका र विद्यालय परिवारले देखाएको चासो प्रति आभार प्रकट गर्दे न्यानो कपडाले सबै खाले विद्यार्थीहरु लाभान्वित हुने भएकोले आफुले विद्यालयबाट आएको मागका आधारमा विद्यालयमा न्यानो कपडा वितरण गर्दै आएको पनि वताउनुभयो ।
शिक्षाप्रेमी शिव प्रसाद घिमिरे विषेश अतिथि रहेको उक्त कार्यक्रममा वडा अध्यक्ष केदार काकी, वडा सदस्य सन्तोष तामाङ प्रधानाध्यापाक र सबै शिक्षकहरु समेतको उपस्थिति रहेको थियो । कार्यक्रम गौरीशंकर माविमा विव्यस अध्यक्ष पूर्ण बहादुर मगर,श्री मावि भंगेरीमा विब्यस अध्यक्ष गौतम् कुमार श्रेष्ठ र बाल मन्दिर माविमा अध्यक्ष धन बहादुर हायुको अध्यक्षतामा सम्पन्न भएको जनाइएको छ ।
यो बारेमा तपाईको प्रतिकृया