ट्राफिक ब्यबस्थापनमा नगरको चासो

रामेछाप १८ फागुन । नगरको ट्राफिक ब्यवस्थापन लाई थप ब्यवस्थित गर्न मन्थली नगरपालिकाले चासो देखाएको छ । त्यसका लागि नगरले मन्थलीको ट्राफिक प्रहरी मार्फत आबश्यक प्रकृया अघि बढाउन लागेको हो ।
मन्थली नगरपालिकाको संयोजनमा सोमबार बसेको सरोकारवालाहरुको बैठकमा आगामी चैत्र गतेबाट लागु हुने गरी मन्थलीको ट्राफिक ब्यवस्थापनलाई थप ब्यबस्थित गर्दै जाने निर्णय भएको हो । प्रहरी प्रमुख र ट्राफिक प्रमुख नयाँ आए संगै सरोकारवाला हरुले दिएको सुझाब र स्थानीय स्तरमा देखिएका समस्याका आधारमा ट्राफिक ब्यवस्थापनलाई थप व्यबस्थित वनाउने उपाएका बारेमा छलफल गरिएको थियो । नगरपालिकाले सोहि आधारमा ट्राफिक ब्यवस्थापनलाई मजबुद बनाउने बतएको छ ।

सुन्दर र सभ्य मन्थली बजारको सपनालाई साकार पार्ने अभियान अनुरुप सडक क्षेत्रको साँघुरोपनका कारण पार्किड लगायत,सडक तथा फुटपाथमा देखिएको समस्या आदिलाई मिलाएर ट्राफिक ब्यवस्थापनलाई थप व्यबस्थित गराउने उद्देश्यले बैठकको आयोजना गरिएको मन्थली नगरपालिकाका प्रमुख रमेश कुमार बस्नेतले बताउनुभयो । जस अनुसार मन्थली बजारका ब्यापारी र पैदलयात्री हरुलाई समेत सके सम्म सहज हुने गरी आबश्यक बाताबरण तयारी गरिने र त्यसका लागि मन्थली नगरपालिकाले आबश्यक सहयोग गर्ने पनि प्रमुख बस्नेतले जानकारी गराउनुभयो ।
कार्यक्रममा प्रहरी नायब उपरीक्षक राजकुमार थिङले सरोकारवाला बाट आएको सुझाबका आधारमा बजार क्षेत्र र भुगोल समेतलाई मध्य नजर राखेर काम गर्ने र त्यसका लागि सम्भाबित बिकल्पहरुको समेत खोजि गरिने जानकारी गराउनुभयो । बैठकले देबकोटा चोक देखि मुल सडक हुँदै बस पार्क क्षेत्र तथा प्रशासन कार्यालय जाने बाटो,चोकबाट प्रहरी कार्यालय जाने बाटो हुँदै भेशैश्वर चोक सम्मको हकमा त्यसको ब्यवस्थापनमा समेत ध्यान दिने गरी आबश्यक प्रकृया अघि बढाउने जिम्मा ट्राफिक प्रहरीलाई दिने निर्णय गरेको छ । जस अनुसार – देबकोटा चोक देखि जिल्ला समन्वयको मुल सडक छेउको एक तर्फ एक हप्ता र अर्काे हप्ता अर्काे तर्फ पार्किड गरिने छ । त्यसै गरी प्रशासन कार्यालय जाने सडकमा गाडि र्पािर्कड गर्न नदिने र मोटर साईकलको हकमा उद्योग बाणिज्य संघ भवन बाट कोलेनिक मोडिने बाटो छेउ सम्म एकतर्फ मात्र दिने निर्णय पनि गरेको छ । त्यस्तै स्कुल समयमा र कार्यालय समयमा हुने सवारी चापलाई पनि ब्यवस्थापन गर्नका लागि आबश्यक प्रकृया समेत तय गरेको छ ।
बैठकमा उद्योग बाणिज्य संघका अध्यक्ष तथा पदाधिकारी र संचारकर्मिहरुको समेत उपस्थिति रहेको थियो । बैठकले त्यसकालागि आबश्यक सुझाब लिन र थप सहजिकरणका लागि यातायात ब्यवसायी र गाडि चालकहरु संग समन्वय गरी छलफल पश्चात उनिहरुको समस्या समेतलाई सम्बोधन गर्ने जिम्मा ट्राफिक प्रमुख चन्द्र श्रेष्ठलाई दिने समेत निर्णय गरेको छ ।