रामेछाप १६,बैशाख । मुख्य निर्वाचन अधिकृत डा.दिवाकर भट्टले निर्वाचन अबधिभर सूचना प्रवाहलाई ब्यवस्थित बनाउने प्रतिबद्धता ब्यक्त गर्नुभएको छ । मुख्य निर्वाचन अधिकृतको कार्यालय रामेछापले मन्थलीमा आयोजना गरेको पत्रकार भेटघाटका क्रममा उहाले सो कुरा बताउनु भएको हो ।
उहाले जिल्ला भरको सूचनाहरुलाई एकत्रित गरी सबै पत्रकारहरुलाई सर्बसुलभ तरीकाले जानकारी दिने बताउनु भएको छ ।
पत्रकार हरुले यस अघि कार्यलय बाट भए गरेका कामहरु को सूचना सहज ढंगबाट नपाएको प्रति गरेको गुनासो लाई सम्बोधन गर्दै उहाले भन्नु भयो–“मैले सूचना प्रवाहलाई सहज वनाउने प्रयास गर्दा गर्दै पनि समय अभावका कारण सकिन त्यसका लागि क्षमा चाहान्छु ।” पत्रकार हरुले सुचना सहज ढंगबाट प्राप्तिका लागि ग्रूप म्यासेन्जर वा भाइबर खोल्नु पर्ने, मुख्य निर्बाचन अधिकृतको कार्यालयमा मतगणना कार्य नसकिउन्जेलका लागि सञ्चार डेक्स स्थापना गरिनुपर्ने, आचार संहिता उल्लघन सबै दलहरुले गरिरहेका कारण उनीहरुलाई कार्वाहिको प्रकृयामा लैजानुपर्ने र मत गणनाका बेल सदर र बदरका आधारहरु कानुनले दिए अनुसार मात्र गरिनुपर्ने कुरालाई जोड दिएका थिए ।
सञ्चारकर्मीहरुको जिज्ञासा र सुझाबहरुलाई मध्यनजर गर्दै डा.भट्टले सूचनाको सहजताकालागि कार्यालयमा सूचना डेक्स स्थापना गरिदिने, १ जना सहायक निर्बाचन अधिकृतलाई सम्पर्क अधिकृत तोक्ने र हरेक दिनको ४ देखि ५ बजे सम्म दिनभरको सूचना अपटडेट गरी सार्बजनिक गर्ने ब्यवस्था मिलाउने प्रतिवद्धता ब्यक्त गर्नुभएको थियो । उक्त प्रतिबद्धता गरेको केहि समय देखि नै भाइवर ग्रुप निर्माण गरी सूचना प्रवाह सुरु भैसकेको छ ।
यो बारेमा तपाईको प्रतिकृया