रामेछाप । रामेछाप जिल्लामा निर्वाचन आचार संहिताको ब्यापक रुपमा उलंघन भएको छ । निर्वाचन आयोगले आचार सहिंता उलंघनका घटनालाई कडाईका साथ लागु गर्ने भनेको भएपनि रामेछापका विभिन्न ठाउँका उमेद्वारहरुले आचार संहिताको उलंगर्ने कामलाई भने निरन्तरता दिएका छन् । यसरि आचार संहिता उलंघन गर्ने हरुमा एमाले नेपाली काँग्रेस र माओवादी केन्दका उमेद्वार हरु प्राय सबै रहेका छन् ।
प्राय सबै पार्टिका उमेद्धवार आचार संहिता उलंघनमा सहभागि भएको भएपनि तुलनात्मक रुपमा एमालेका उमेद्वारहरु आचर संहिता उलंघनमा अगाडि देखिएका छन् । जस अनुसार मन्थली नगरपालिकामा आचार संहिता उल्लघंन गर्नेमा एमाले सवैभन्दा अघी छ । एमालेले मन्थली नगरपालिका २ मा स्वागत द्धारनै निर्माण गरेर प्रचार गरेको छ । जिल्ला सदरमुकाम भन्दा झण्डै ४ किलो मीटर टाढाको कैलाश डाडाँमा एमालेले स्वागत द्धार वनाएको हो । स्वागत द्धारमा एमालेबाट पालिकामा उम्मेदवार भएका प्रमुख र उप्रमुखका अतिरीक्त वडा अध्यक्ष र वडा सदस्यहरुको फोटो, प्रचार सामाग्रिी र झण्डा राखिएको छ ।
प्रशासन र मुख्य निर्वाचन अधिकृतको कार्यालयको नजिकै एमालेले गरेको उक्त आचार संहिता विपरीतको काम रोक्ने आँट कसैले गरेको छैन् । मन्थली नगरपालिका वडा नम्बर २ का वडा अध्यक्षका उम्मेदवार निर्माण व्यवसायी पनि हुन । उनले केहि दिन अघी आचार संहिता विपरीत स्थानीय दलित वस्तीमा शैक्षिक सामाग्री भनेर बालवालिकाहरुलाई झोला र ड्रेस पनि वितरण गरेका थिए । निर्वाचन आचार संहिता जारी भइसकेपछि उक्त सामाग्री बाड्न पुगेका कार्की र उनका कार्यकर्ताहरुले निर्वाचन आचार संहिता लागेकोले केहि भाषण नगरेको उल्लेख गरेर भोट मात्र माग्न आएको उल्लेख गरेका थिए ।
आचार संहिता विपरित हुने लकेट, गाडिमा झण्डा, सार्वजनिक स्थानमा झण्डा, कार्यक्रम बाहिर लाउड स्पीकरको प्रयोग, भोज भतेर लगाएतका आचार संहिता उल्लघन गर्नेमा एमाले लगाएत प्रमुख राजनीतिक दल नेपाली काँग्रेस र एकिकृत माओवादी र नेकपा एस पनि छन् । खाँडादेवि गाउंपालिकामा एकिकृत समाजवादीले भोट माग्न जाने कार्यकर्तालाई क्याप र टि सर्ट समेत छापेर वितरण गरेको छ । यसैगरी अन्य पालिकामा समेत टि सर्ट छपाई भइसकेको र वितरणको तयारी रहेको वुझीएको छ । नेपाली काँग्रेस र नेकपा माओवादी केन्द्रले पनि टि सर्ट लकेट र क्यापको प्रयोग अत्याधिक रुपमा गरिरहेका छन् ।
उनिहरुले झण्डा र चिन्ह अंकित तोरण लाई पनि ब्यापक बनाएका छन । निर्वाचन आयोगले तोकेको साईज भन्दा फरक र रंगिन पोष्टर, क्यालेण्डर लगाएत आकर्षक सामाग्री वितरण गरेर राजनीतिक दलहरुले चुनावी कार्यक्रमलाई भडकिलो वनाउँदा पनि त्यसको नियन्त्रण तर्फ खासै प्रयास भएको छैन् । यस बारेमा मुख्य निर्वाचन कार्यालयको ध्यानाकर्षर्ण भएको र तत्काल अनुगमन गरिने मुख्य निर्वाचन कार्यालयले जनाएको छ ।
यो बारेमा तपाईको प्रतिकृया