रामेछाप , २२ जेठ । विश्व वातावरण दिवस आज सदरमुकाम मन्थलीमा विविध कार्यक्रमका साथ मनाइएको छ । वाताबरण संरक्षण परियोजना मन्थली,शसस्त्र प्रहरी वल मन्थली र रामेछाप पोलिटेक्निकल कलेज मन्थलीले छुट्टा छुट्टै कार्यक्रमको आयोजना गरी दिवस मनाइएको हो ।
दिवसका अवसर पारेर वातावरण संरक्षण परियोजनाले आइतवार सदरमुकाम मन्थलीमा बृहत कार्यक्रमको आयोजना गरेको थियो । बिभिन्न सन्देमुलक नाराहरु सहितको र्यालीले मन्थली बजार परिक्रमा गरेको थियो । बजार परिक्रमा पछि र्याली मन्थली स्थीत सामुदायिक भवनमा पुगेर औपचारीक कार्यक्रममा परिणत भएको थियो ।
औपचारीक कार्यक्रममको उद्घाट्न मन्थली नगरपालिकाका प्रमुख लब श्रेष्ठ र रामेछाप नगरपालिकाका प्रमुख लबश्री न्यौपानेले संयुक्तरुपमा पानसमा बत्ति बालेर गरेका थिए । कार्यक्रममा परियोजनाले हाल सम्म कार्यक्रम लागु भएका रामेछाप र मन्थली नगर र तिनको वडा स्तर सम्ममा वातावरणको क्षेत्रमा भए गरेको प्रगतिका बारेमा जानकारी गराईएको थियो ।
५ बर्षदेखि वाताबरणको क्षेत्रमा काम गर्दे आएको परियोजनाले मन्थली र रामेछाप नगर भित्र र रामेछाप मन्थली सडक छेउमा गरेको बृक्षारोपण र बृक्षारोपण पछि आएको सुधार,अवस्था र परिवर्तनका बारेमा पनि जानकारी गराईएको थियो । त्यसैगरी परियोजनाले वाल वालिकाको क्षेत्रमा वाल क्लबको गठन र उक्त क्लब मार्फत भए गरेको प्रगतिका बारेमा पनि जानकारी गराईएको थियो ।
त्यस बाहेका परियोजनाले आफ्नो कार्यकालमा गरेको खानेपानीको मुहान संरक्षण फलफुल तथा विभिन्न प्रजातिको विरुवा वितरण र रोपन ,वाताबरणको क्षेत्रमा सहयोग गर्दै आएका विद्यालयहरु मन्थली मावि,नागकन्या मावि मन्थली,मावि कठजोर लगायतका विद्यालयका तथा परियोजना द्धारा गठित बाल क्लब र सामुदायिक वन उपभोक्ता समुहका अध्यक्ष तथा पदाधिकारी त्यसमा सहयोग गर्ने मुख्य शिक्षकहरु समेतलाई कार्यक्रमका प्रमुख अतिथि र विशिष्ठ अतिथिहरुले पुरस्कार वितरण गरेका थिए ।
सो अबसरमा दुवै नगरका प्रमुखहरुले परियोजनाले हाल सम्म गरेको कामको प्रशंसा गर्दै भावि दिनमा पनि हारियालीमैत्री नगरको रुपमा मन्थली र रामेछापलाई विकास गर्नका लागि आफुहरु पनि हातमालो गर्दै अगाडि बढ्न तयार भएको बताएका थिए । परियोजनाका प्रमुख मिलन कुमार घिसिङको अध्यक्षतामा सम्पन्न उक्त कार्यक्रमका अबसरमा घिसिङले परियोजनाको कार्यकालमा सहयोग पुर्याउने अविभावक र विद्यार्थी लगायतका सबै लाई धन्यवाद ज्ञापन गर्नुभएको थियो ।
सो अवसर पारेर आजै शसस्त्र प्रहरी वल मन्थलीको हाता भित्र पनि विभिन्न जातको १ सय वटा विरुवा रोपीएको थियो । कार्यक्रमका सहभागि अतिथिहरुलाई कार्यलय प्रमुख एबं डिएसपी केशवराज प्याकुरेलले स्वागत गर्दै संस्थाको प्रगतिका बारेमा पनि जानकारी गराउनुभएको थियो । त्यसैगरी विश्व वातावरण दिवसको अबसर पारेर मन्थली पोलिटेक्निकल कलेजले पनि आफ्नो हाता भित्र विभिन्न जातका विरुवाहरु रोपेको थियो ।
यो बारेमा तपाईको प्रतिकृया