रामेछाप ,५ असार । रामेछापको मन्थली न पा वडा नं ६ मा सम्पन्न खुल्ला डुंगा दौड प्रतियोगिताको दुबै उपाधि सुनसरीले जितेको छ ।
जिल्ला खेलकुद बिकास समितिका अनुसार सिंगल र डवल बिधा तर्फ नै सुनसरीले जितेको हो । सिगल बिधा तर्फ नेपाल माझी संघ सुनसरीका चन्द्र माझी र जीवन माझी ले १ मि २२ सेकेन्डमा र डबल बिधा तर्फ पनि नेपाल माझी उत्थान संघ सुनसरीका चन्द्र बहादुर माझी जीवन माझी जितेन्द्र माझी, र भेष बहादुर माझी ले १ मि ५३ सेकेन्डमा पार गरेका थिए ।
त्यसैगरी सिंगल बिधा तर्फ द्धितिय हुनेमा कोथबे ग्रुप रामेछापका जनक माझी, र बुद्धिमान माझी , तृतिय तर्फ नेपाल माझी उत्थान संघ सिन्धुलीका दिपक माझी र साजन माझीे क्रमश १ मि ३२ सेकेन्ड र १ मि ३३ सेकेन्डमा पार गरी द्धितिय र तृतिय भएका थिए ।
त्यस्तैगरी डबल बिधा तर्फ सित्खा ग्रुप रामेछापका रामबाबु माझी, पुषमान माझी, काले माझी र भरत माझी द्धितिय भएका थिए भने त्रिवणी ग्रुप सेलेघाटका सन्तोष माझी, वल बहादुर माझी र कुमार माझी तृतिय भएका थिए ।
प्रतियोगिताको राष्ट्रिय खेलकुद परिषदका सदस्य सचिव टंकलाल घिसिङले उद्घाटन गर्नुभएको थियो ।
देशभरका २० टिमको सहभागिता रहेको उक्त प्रतियोगिता माझीको परम्परागत पेशाको संरक्षण र प्रबद्र्धन गर्ने उदेश्यले आयोजना गरिएको बताइएको छ ।
प्रतियोगितामा प्रथम, द्धितिय र तृतिय हुनेलाई सिंगल बिधा तर्फ २० हजार १५ हजार र १० हजार एबं डबल बिधा तर्फ ३० हजार २० हजार र १० हजार नगद सहित मेडल र प्रमाणपत्र हस्तान्तरण गरिएको छ ।
उक्त खेलको उद्घाटन राष्टिय खेलकुद परिषदका सदस्य सचिब टंकलाल घिसिङले गर्नुभएको थियो ।
यो बारेमा तपाईको प्रतिकृया