रामेछाप, ९ असार । सामुदायिक बिद्यालयको शैक्षिक गुणस्तर सुधार लाई उच्च प्राथामिकता राखि सामुदायिक बिद्यालयमा अग्रेंजी माध्यमबाट पढाई सञ्चालन गर्ने ब्यवस्था मिलाउने भन्दै शिक्षा क्षेत्रमा रामेछाप नगरपालिकाले यस्तो नारा अगाडि सारेको हो ।
रामेछाप नगरपालिकाको ११ औ नगरसभा का अबसरमा पालिकाको नीति तथा कार्यक्रम सार्वजनिक गर्ने क्रममा उप–प्रमुख वाला कुमारी कार्कीले शिक्षाको क्षेत्रमा उक्त नारालाई सार्थक पार्ने वताउनुभएको थियो ।
नीति तथा कार्यक्रममा रामेछाप नगरलाई “पर्यटकको रहरः फुलै फुलको शहर”, “रामेछाप बासीको रहरः ऐतिहासिक नगर”, “स्वस्च्छ पिउने पानीः स्वस्थ्य जिन्दगानी”, “सिंचाई सुबिधा गह्रा गह्राः रामेछाप नगर हरभरा”, “स्वच्छ पिउने पानीः स्वस्थ जिन्दगानी” जेष्ठ नागरिक समाजको आधार, घर घरमै स्वास्थ्य परीक्षण र उपचार”, “उज्यालो नगर, सुरक्षित शहर”, “स्थनीय सरकारको अपरिहार्यताः उत्तरदायित्व र पारदर्शिता”जस्ता नाराहरुलाई सार्थक पार्ने योजना अगाडि सारिएको छ ।
नगर सभामा आर्थिक विकास, सामाजिक विकास, शुसासन तथा संस्थागत बिकास,वन वातावरण तथा विपद ब्यवस्थापन, पूर्वाधार बिकास जस्ता कार्यक्रमहरु पनि अगाडि सारिएका छन् ।
नगर प्रमुख लवश्री न्यौपानेको अध्यक्षतामा सम्पन्न उक्त सभाको उद्घाटन नगर प्रमुख न्यौपानेले गर्नु भएको थियो ।
सो अवसरमा चालु आ ब २०७८÷०७९ को चालु तर्फ ३१ करोड, १९ लाख, २९ हजार ६ सय ४६ रुपैया र पूँजीगत तर्फ १६ करोड ६४ लाख ६४ हजार ५ सय ७ रुपैया खर्च भएको जानकारी गराएइको थियो ।
यो बारेमा तपाईको प्रतिकृया