रामेछाप,१८ असार । गिरीजा प्रसाद कोइराला (जी पी) को ९९ औं जन्म जयन्तिको अबसरमा शनिवार विपि सालिक परिसरमा दीप प्रज्वलन गरिएको छ ।
जीपी फाउन्डेशनका अध्यक्ष एबं नेपाली काँग्रेस जिल्ला कार्य समितिका सचिब दिपक खड्काको अध्यक्षता एबं नेपाली काँग्रेसका महाधिबेशन प्रतिनिधि ध्रुबहरी ढुंगेलको प्रमुख आतिथ्यतामा दीप प्रज्वलन गरिएको हो ।
सो अवसरमा बोल्दै प्रमुख अथिथि ढुंगेलले जनआन्दोलनका नायक एबं शान्ति प्रकृयाका प्रमुख अभियान्ता गिरीजा प्रसाद कोइरालाको नेपाली काँग्रेस पार्टिमा र नेपालको राजनितिमा महत्वपुर्ण योगदान रहेको कुरालाई जोड दिनुभयो । उहाले भन्नुभयो– “कोइराला आज भन्दा ९९ सय वर्ष अघि जन्मेर मुलुकलाई नयाँ गति दिएर स्वर्गवास हुनुभएकोले उहाँ सधै अम्मर रहनुभएको छ ।”
कार्यक्रमका अबसरमा बोल्दै फाउन्डेशका अध्यक्ष खड्काले कोइरालाको योगदानको वारेमा चर्चा गर्दै भन्नुभयो– “उहाको सकृयतालेनै १२ बर्ष सम्म जनयुद्ध गरेको माओवादीलाई शान्ति प्रकृयामा ल्याएर मुलुकमा शान्ति कायम गर्नुका साथै लोकतान्त्रीक गणतन्त्र स्थापना गर्न पनि उहाको ठूलो योगदान रहेको छ ।”
कार्यक्रममा फाउन्डेशनका पदाधिकारी एबं सदस्यहरु, सञ्चारकर्मीहरु एबं नेपाली काँग्रेसका कार्यकर्ताहरुको उपस्थिति रहेको थियो ।
यो बारेमा तपाईको प्रतिकृया