रामेछाप,२१ असार । सुनापति गाँउपालिकाको लुभुमा भएको दुर्घटनामा परि गम्भीर घाइते हुने ४ जना गम्भीर बिरामीहरुलाई हेलिकप्टर मार्फत काठमाण्डौ लगिएको छ ।
समाजसेवी एबं नेपाली काँग्रेसका महाधिबेशन प्रतिनिधि भरत प्रसाद चौलागाँईले दुर्घटनाको खवर थाहा पाउना साथ कैलाश एयर को हेलिकप्टर घटनास्थल पठाएर उनीहरुको उद्धार गर्नुभएको हो ।
ति ४ जनाको बि एण्ड बि र काठमाण्डौ मेडिकल कलेज लगाएतका अस्पतालमा उपचार भैरहेको र उनीहरु खतरा मुक्त रहेका बताइएको छ । दुर्घटनामा परी घटना स्थलमै ९ जनाको मृत्यू भएको थियो भने २१ जना घाइतेलाई जनालाई एम्बुलेन्स मार्फत धुलिखेल अस्पताल पठाइएको थियो ।
सुनापति गाउपालिका वडा नं १ गुन्सीका स्थायी वासिन्दा समाजसेवी चौलागाँईले यस अघि पनि विभिन्न घटनामा हेलिकप्टर पठाएर सहयोग गर्ने गर्नु भएको छ । उहाले रामेछाप नगरपालिकालाई पनि शव वहान उपलव्ध गराउनु भएको छ ।
मंगलरबार सुनापति गाउंपालिका वडा नं ३ हिलेदेविको खोड्पास्वांराबाट काठमाण्डौका लागि छुटेको पूर्व अरनिको यातायात समिति मार्फत संचालित बस सुनापति ५ खनियापानीको लुभुखोला नजिकको घुम्तीबाट तल खसेको थियो । दुर्घटनामा ९ जना घटना स्थलमानै र ४ जनाको उपचारका क्रममा धुलिखेल अस्पतालमा निधन भएको थियो । दुर्घटनामा परी काभ्रेका ४ जनाको समेत ज्यान गएको छ।
यसैविच सुनापति गाउंपालिकाले सुनापति गाउंपालिकामा भएको बस दुर्घटनाबाट ज्यान गुमाउने प्रति शोक बक्तब्य जारी गरेको छ । गाउंपालिकाद्धारा मंगलबार साँझ जारी गरिएको विज्ञप्तिमा दुर्घटनामा परेर ज्यान गुमाउने प्रति श्रद्धाञ्जली र घाईतेको सिघ्र स्वास्थ्य लाभको कामना गरीएको छ ।
यो बारेमा तपाईको प्रतिकृया