रामेछाप, ३ साउन । राष्ट्रिय बाणिज्य बैंक मन्थली शाखाले एक वर्षको विचमा २ करोड ५३ लाख रुपैयाँ मुनाफा कमाएको छ । उसले आव ०७८ ÷०७९ मा सबै खर्च कटाएर उक्त मुनाफा कमाउन सफल भएको हो
बैंकका शाखा प्रबन्धक मुकेश दाहालका अनुसार बैकले आर्थिक नीति, विधि र पद्धतिका आधारमा आफ्ना ग्राहकहरुको सुविधालाई ध्यानमा राखि कर्जा असुलि तथा लगानी प्रकृयालाई सहज बनाएर काम गरेको थियो । जसका कारण बैकले निक्षेप संकलनमा पनि उल्लेखनिय बृद्धि गरेको पनि दाहालले बताउनुभयो ।
त्यसैगरी बैकले आफ्ना ग्राहकहरुको सुविधा र संतुष्टि समेतलाई ध्यानमा राखि असार महिनाभर विदाका दिनपनि कार्यालय खोलेर काम गरेको थियो । त्यस बाहेक बैंकले रामेछाप नगरपालिका वडा नं २ का अध्यक्षले गरेको समन्वयका आधारमा देउरालिमा पुगेर सामाजिक सुरक्षा भत्ताका लागि घर घरमानै गएर करिब ५ सय जनाको खाता खोल्ने काममा पनि सहजिकरण गरेको जानकारी पनि प्रबन्धक दाहालले गराउनुभयो ।
करिब १ दर्जन अरु प्राईभेट बैकको बाहुल्यता रहेको मन्थलीमा अन्य बैंकको आगमन भएपनि ग्राहकहरुको बाणिज्य बैंक प्रति उत्तिकै आर्कषण रहेको उक्त बैकका सूचना अधिकारी रामेश्वर घिमिरेले बताउनुभयो । त्यस बाहेक बैकले स्थानीय बचत तथा सहकारीहरुले नीति विधिका आधारमा समन्वय गरेर आए बैकले सहकारी मार्फत सामाजिक सुरक्षा भत्ता वितरण गर्न सक्ने जानकारी पनि घिमिरेले गराउनुभयो ।
यो बारेमा तपाईको प्रतिकृया