८ असार, २०७६
मन्थली– रामेछापको मन्थली नगरपालिका वडा नं. ६ स्थित भलुवाजोरको कुनौरीमा आइतबार बिहान एम्बुलेन्स दुर्घटना हुँदा एम्बुलेन्स चालकको मृत्यु भएको छ । त्यस्तै एम्बुलेन्समा सवार अर्का एक व्यक्ति पनि गम्भिर घाईते भएका छन् ।
दुर्घटनामा परी एम्बुलेन्स चालक सिन्धुलीको गोलञ्जोर गाउँपालिका वडा नं. ७ का निर बहादुर श्रेष्ठको दुर्घटना स्थलमै ज्यान गएको छ भने एम्बुलेन्समा सवार सोही स्थानका सुरज श्रेष्ठ गम्भिर घाइते भएका छन् । घाइतेलाई मन्थलीमा सामान्य उपचार पछि थप उपचारका लागि धुलिखेल अस्पताल पठाइएको जिल्ला प्रहारी कार्यालय रामेछापका प्रवक्ता शेख अदालतले जानकारी दिए ।
सिन्धुलीको गोलञ्जोर गाउँपालिकाबाट मन्थली बिरामी लिन आउँदै गरेको बा २१ च ७५२५ नम्बरको एम्बुलेन्स सडकबाट करिब एक सय मिटर तल खसेको थियो । आइतबार बिहान साढे दुई बजेको समयमा दुर्घटना भएको प्रहरी प्रवक्ता अदालतले जानकारी दिए । दुर्घटना के कारणले भयो भन्ने विषयमा थप अनुसन्धान भइरहेको पनि प्रवक्ता अदालतले बताए ।
यो बारेमा तपाईको प्रतिकृया