मन्थली क्याम्पसमा नि.मा.बि. लाइसेन्सको लागि निः शुल्क तयारी कक्षा

रामेछाप २६ साउन । मन्थली सहिद स्मृति बहुमुखी क्याम्पसले क्याम्पसमा अध्ययनरत शिक्षक सेवा आयोगको नि.मा.बि. लाइसेन्सको तयारी गरिरहेका बिद्यार्थीहरूलाई मिति २०७९/०४/२३ देखि २०७९/०४/२५ सम्म ३ दिने निःशुल्क तयारी कक्षा सन्चालन गरेको छ । शिक्षा शास्त्र सन्काय अन्तर्गत स्नातक तहमा अध्ययनरत बिद्यार्थीहरूको मागको आधारमा उनीहरूको हितलाई मध्यनजर गरि सो कार्यक्रम सन्चालन गरिएको क्याम्पस प्रमुख डा. भरतकुमार श्रेष्ठले जानकारी दिनुभयो । कार्यक्रममा बिषय बस्तुको साथै शिक्षण सिकाइमा फाइदा पुग्ने उत्प्रेरणात्मक कक्षा समेत सन्चालन गरिएको थियो । कार्यक्रममा सोही क्याम्पसमा अध्यापनरत शिक्षक ज्ञानेन्द्र भुजेल, ऋषि कार्की एवम क्याम्पस प्रमुख श्रेष्ठ लगायतले सहजीकरण गरेका थिए ।