गठबन्धन होस वा नहोस सभापतिमा मेरो उमेद्वारी हुन्छ –मन्त्री श्रेष्ठ

मन्थली ,२६ साउन । नेपाल रेडक्रस सोसाईटि जिल्ला शाखा रामेछापका मन्त्री जय प्रकाश श्रेष्ठले रानितिक गठबन्धन हुँदा वा नहुँदा आफ्नो उमेद्वारी कायम रहने बताउनु भएको छ । सो कुरा उहाले विहिवार मन्थलीमा पत्रकार सम्मेलनको आयोजना गरी आफ्नो उमेद्वारी घोषणा गदै बताउनु भएको हो ,।
उहाले भन्नुभयो– “रेडक्रस जस्तो पवित्र संस्थामा राजनिति हुनुहुँदैन तैपनि सबै पक्षलाई मिलाएर कार्यसमिति बनाउन सकियो भने काम गर्न सहज हुन्छ । यहि साउन २८ र २९ गते हुने रेडक्रसको अधिबेशनमा मेरो उमेद्वारी हुने छ चाहे गठबन्धन होस वा नहोस म कुनै पनि हालतमा छाडदिन ।”
उहाले भन्नुभयो –“मलाई राजनिति भन्दा समाजसेवा मन पर्छ, लामो समय समाज सेवामा लागे, ब्यापार ब्यवसायनै छाडेर यस अघि देखिनै सो क्षेत्रमा लागेको हुँ । मैले गर्ने समाज सेवा अब रेडक्रसको प्रमुख जिम्मेवारी लिएर गर्छु । यस अघि पनि केन्द्रले जिल्ला शाखा भंग गरी मलाई संयोजक तोकेर पठायो २ महिना जति रेडक्रस को संयोजकको भुमिकामा रहेर काम गरे त्यस पछि साथीहरुले मुद्दाहाल्नु भयो मुद्दा फैसला हुदा पुरानो समिति पुनवहाली भयो। म फेरी मन्त्रीकै भुमिकामा झरे र काम गरे अब भने सभापति निर्बाचित हुने मेरो पक्का छ ।”

वर्तमान मन्त्री र सभापति दुबैजना उमेद्वार कस्ले मार्ला बाजी ?

नेपाल रेडक्रस सोसाइटी रामेछाप जिल्ला शाखाका वर्तमान सभापति शिब कुमार कार्की पनि एक कार्यकाल सभापति दोहोरयाउने पक्षमा हुनुहुन्छ । उहाभन्नु हुन्छ– जिल्लामा हुने ठुला बिपत तथा अन्य समस्यामा म प्रत्यक्ष रुपमा पिडितकोमा पुगेर आबश्यक सहयोग संस्थागत वा ब्यक्तिगत रुपमा गरेको छु । लथालिङ्ग अबस्थामा रहेको रेडक्रसलाई ब्यवस्थित गर्ने र भवन निर्माणको काम समेत पारदर्शि ढंगले गरेको छु त्यसैले मलाई मतदाताहरुले बिश्वार गरेर निर्बाचित गराउनु हुनेछ ।
यहि शनिवार र आइतवार हुने रेडक्रसको चुनाबमा १८ वटा उपशाखा मार्फत आउने, जिल्ला कार्यसमितिका पदाधिकारी एबं सदस्यहरु र मनोनित गरिएका प्रतिनिधि सहित १०८ जना मतदाताहरु रहेपनि १ जना प्रतिनिधि उपशाखा बाट पनि आउनुभएको र जिल्ला कार्यसमितिमा पनि रहनुभएकोले १०७ जनाले मतदान गर्न पाउने छन् । सर्बसम्वत हुने वा मतदान हुने वारेमा टुंगो लागि सेकेको छैन । गठबन्धनको सरकार भएका कारण काँग्रेस,माओवदी र समाजवादी को संयुक्त रुपमा उमेद्वारी दर्ता हुने संम्भावना रहेपनि नेकपा एमालेले पनि निर्विरोध छाड्ने संम्भावना छैन तर एमालेलाई पनि केहि पदहरु दिएमा निविरोध हुन सक्ने अबस्था रहेको एमालेका एक नेताले बताउनुभयो ।
मन्त्री श्रेष्ठले सदस्य बिस्तार गर्दा होस वा उपशाखाको कार्यसमिति बनाउदा वा प्रतिनिधि छनौट गर्दा आफु अनुकुलका प्रनिधिनि छनौट गर्ने गरेको आरोप काँग्रेस र एमालेका कार्यकर्ताहरुले मन्त्री श्रेष्ठलाई लगाएका छन् ।
हाल सभापतिको रुपमा दावी गर्ने बर्तमान सभापति कार्की र बर्तमान मन्त्री श्रेष्ठ दुैजना नेकपा माओवादी केन्द्र निकट मानिन्छन् ।