भटौलीमा करेन्ट लागेर १ जनाको मृत्यू

मन्थली,२९ साउन । रामेछाप जिल्लाको मन्थली नगरपालिका वडा नं –७ स्थित खनखने पाखामा करेन्ट लागि सोहि वडाका ठेडीखोला स्थित माझीगाँउ निबासी ५५ बर्षिय बिजुली माझीको घटनास्थलमै मृत्यू भएको छ ।
आफ्नो पाखो जग्गामा गाइवस्तु चराउन गएका माझीकाृ भुइमा लत्रिएको नांगो तारमा परी करेन्ट लागेर मृत्यू भएको हो ।
बिद्युत प्राधिकरणको चरम लापर्वाहिका कारण यस्तो घटना घटेको स्थानीयले बताएका छन् । यस अघि पनि विद्यालयमा पढने बालवालिकालाई करेन्ट लागेपछि फागुन महिनामै पटक पटक बिद्युत प्राधिकरण मन्थलीमा जानकारी गराउदा वेवास्था गरेका कारण यस्तो घटना घटेको स्थानीय शिव कुमारी प्रसाईले बताउनुभयो ।
बिद्युत प्राधिकरणले यस घटनाको जिम्मेवारी लिई मृतकको क्षतिपुर्ति, परिवारलाई रोजगारी र मृतकका वाल वालिकाहरुलाई शिक्षा दिक्षाको ज्ञारेन्टी नगरेसम्म लास नउठाउने र बिद्युत प्राधिकरणका कर्मचारीहरुलाई समेत घटनास्थलबाट उम्कन नदिने भन्दै स्थानीयवासीहरु आक्रोशित भएपछि मृतकको परिवारलाई सरकारी नियमानुसार तत्काल ५ लाख रुपैया उपलब्ध गराउने, र उल्लेखित मागहरु पुरा गर्ने लिखित शर्त गरेपछि मात्र लास उठाइएको थियो । मृतक माझीका श्रीमती, २३ बर्षिय १ छोरी र १० बर्षिय छोरा रहेका छन् । आफ्नो पर्याप्त जग्गा जमिन नभएका कारण माझीले बनिबुतो गरेर परिवार पाल्दै आएका थिए ।