रामेछाप,७ कार्तिक । ब्रह्माकुमारी राजयोग सेवा केन्द्र,मन्थलीमा दिपावलीको उपलक्ष्यमा शुभकामना आदान प्रदान कार्यक्रम गरिएको छ । मन्थली नगरपालिकाका नगर प्रमुख लव श्रेष्ठको प्रमुख आतिथ्यमा सम्पन्न सो कार्यक्रममा बिबिध सास्कृतिक कार्यक्रम प्रदर्शन सहित देउसी भैलो समेत खेलिएको थियो ।
प्रमुख अतिथि श्रेष्ठले दिप प्रज्ज्वलन गरी श्रीलक्ष्मीको चैतन्य झाँकीको उद्घाटन गर्दै कार्यक्रममा नेपालीहरुको दोश्रो ठुलो चार्ड तिहारले समाजमा आपसी सद्भाव र भाइचाराको भावना जगाउन मद्दत गर्ने बताउनुभयो । उहाले ब्रह्माकुमारी राजयोग सेवा केन्द्रले सकारात्मक सोच सहित नैतिक एवं मुल्यनिष्ठ समाज निर्माणमा पुरयाएको योगदानको बारेमा चर्चा गर्नुभएको थियो ।
ब्रह्माकुमारी सीता दिदीको अध्यक्षतामा सम्पन्न उक्त कार्यक्रममा सप्तरी जिल्लाका जिल्ला न्यायधिस माधव सुवेदी, मन्थली सहिद स्मृति बहुमुखी क्याम्पसका क्याम्पस प्रमुख डा.भरतकुमार श्रेष्ठ, मन्थली नगरपालिका वडा नं–७ का वडाध्यक्ष भुवनहरि प्रसाइ, वडा नं–८ का वडाध्यक्ष गोपाल श्रेष्ठ,मन्थली माविका सहायक प्रधानाध्यापक चन्द्रसिंह धामी, ब्रह्माकुमारी बिष्णु,ब्रह्माकुममारी रीता लगायतले शुभकामना मन्तब्य राख्नुभएको थियो ।
कार्यक्रम स्थलमा श्रीलक्ष्मीको चैतन्य झाँकी समेत प्रदर्शनमा राखिएको थियो ।
यो बारेमा तपाईको प्रतिकृया