रामेछाप ,११ मंसिर । रामेछापमा एक प्रतिनिधि सभा र दुई प्रदेश सभामा गठबन्धनका उमेद्वारहरु विजयी हुनु भएको छ । नेपाली काँग्रेसका उम्मेद्वार पूर्णबहादुर तामाङ (कान्छाराम) विजयी हुनु भएको हो भने प्रदेश क मा तारानारायण श्रेष्ठ र ख मा युवराज चौलागाँई पनि विजयी हुनु भएको छ । रामेछाप जिल्लामा १ लाख ८० हजार १ सय ६ मतदाता रहेको भएपनि ८८ हजार ६ सय ८० मत मात्र खसेको थियो ।
खसेको खसेको सदर मत मध्ये पूर्णबहादुर तामाङ (कान्छाराम)ले ४७ हजार ९८ मत सहित प्रतिनिधिसभा सदस्यमा निर्वाचित हुनु भएको छ । तामाङका निकटतम प्रतिद्वन्द्वी नेकपा एमालेका उम्मेदवार कैलाश प्रसाद ढुङ्गेलले ३० हजार ७ सय २९ मत प्राप्त गर्नु भएको थियो । एमालेका उम्मेद्वार कैलाशप्रसाद ढुङ्गेललाई १६ हजार ३ सय ६९ मतले पछिपार्दै तामाङ निर्वाचित हुनु भएको हो ।
प्रतिनिधिसभातर्फको मत गणना सम्पन्न हुँदा ४ हजार ७ सय ८१ मत बदर भएको थियो । यस्तै प्रदेश क मा माओवादी केन्द्रका उमेदवार तारानारायण श्रेष्ठ विजयी हुनु भएको छ । श्रेष्ठले १७ हजार १ सय ४८ मत प्राप्त गर्नु भएको थियो भने उहाँका निकटतम प्रतिद्वन्दी नेकपा एमालेका शान्ति पौडेल ले १५ हजार १ एक सय ५७ प्राप्त गर्नु भएको थियो । श्रेष्ठले पौडेललाई १ हजार ९ सय ९१ मतले पराजित गर्नु भएको हो । यस्तै प्रदेश (ख) मा गठबन्धन तर्फका उमेदवार माओवादी केन्द्रका पोलिटब्युरो सदस्य युवराज चौलागाईंले एमालेमा मिलनकुमार घिसिङलाई पराजित गर्नु भएको छ । चौलागाईंले २२ हजार ९ सय ७९ मत प्राप्त गर्दा घिसिङले १८ २ सय ४ सय ६ मत प्राप्त गर्नु भएको थियो । चौलागाईंले घिसिङलाई ४ हजार ७ सय ७३ मतान्तरले पराजित गर्नु भएको हो ।
विजय भएपछि बिभिन्न वाजा गाजा र तामाङ सेलो सहित निस्केको विजय रयालीले मन्थली वजारका बिभिन्न भागहरु परिक्रमा गरी देवकोटा चोकमा कोण सभा गरेको
गरेको छ ।
यो बारेमा तपाईको प्रतिकृया