मंङ्सिर १४ बाट मन्थली नगरको १२ वटै वडाबाट राष्ट्रिय परिचय —पत्र को काम सुरु

रामेछाप,१३ मंङ्सिर । जिल्ला प्रशासन कार्यालय रामेछापले मन्थली नगरपालिकाको सबै वडामा पहुँच पुग्ने गरी मंसिर १४ गतेबाट राष्ट्रिय परिचय—पत्र निर्माणको काम थाल्ने भएको छ । उक्त प्रयोजनका लागि मंगलबारबाट १२ वटै वडामा आबश्यक जनशक्ति र उपकरण सहितको टोली पुगिसकेको छ ।
प्रमुख जिल्ला अधिकारी शोभाखर पराजुलीका अनुसार– “नागरिकहरुले राष्ट्रिय परिचय–पत्र निर्माणको आबश्यक प्रकृयामा समस्या भोगेको भन्ने गुनासोका आधारमा गृह मन्त्रालयले सबै जिल्लाका नागरिकहरुका लागि घरदैलोमानै पुगेर परिचय बनाउने अभियान अन्तर्गत जिल्लामा पहिलो चरणमा मन्थली नगरपालिका सँग समन्वय गरी वडा सचिबलाई मुख्य जिम्मेवार बनाएर अभियान आरम्भ गर्न लागिएको हो ।”
सरकारले सञ्चालन गर्न लागेको राष्ट्रिय अभियानलाई सफल बनाउनका लागि मन्थली नगरपालिकाले पनि सबै वडा कार्यालय सँंग समन्वय गरी परिचय पत्रको काम आरम्भ गर्न लागेको मन्थली नगरपालिकाका प्रमुुख लव श्रेष्ठले जानकारी दिनुभयो ।
उहाका अनुसार –“त्यसका लागि वडा नं–१ मुख्य बजार आसपास र वडा नं २ पनि बजार आसपासको वडा भएको हुनाले दुबैको काम जिल्ला प्रशासन कार्यालयबाटै हुने र अन्य वडाको हकमा भने परिचय पत्र निर्माणको काम वडा कार्यालय वा वडा कार्यालयले तय गरेका स्थानहरुबाट मंगलबार बाटै नै सुरु गरिने तयारी भएको छ ।”
प्रमुख श्रेष्ठले आफ्नो वडामा आएको सुविधाको सहि सदुपयोग गर्दे राष्ट्रिय परिचय पत्र निर्माणको अभियानमा सामेल हुनका लागि आफ्ना नगरबासिहरु सँग आग्रह पनि गर्नुभएको छ । उहाँले भन्नुभयो–“यो नागरिकहरुको प्रत्यक्ष सरोकार संँग जोडिएको कार्यक्रम भएकोले यसलाई सफल बनाउनका लागि नगरपालिका आबश्यकताका आधारमा जुनसुकै सहयोग गर्न तयार छ ।”
यता मन्थली नगरपालिकाको वडा नं १ र वडा नं ७ मा मंगलवार देखि नै टोलीले काम सुरु गरिसकेको ति वडाका वडा अध्यक्षहरुले जानकारी दिनुभयो ।