रामेछाप,१८ मङ्सिर । नेपाल घरेलु तथा साना उद्योग महासंघ प्रदेश महिला उद्यमी समिति को आयोजनामा आइतवार रामेछापका घरेलु तथा साना उद्यमी महिलाहरुका लागि खानेपानी तथा सरसफाई सम्बन्धि १ दिने अभिमुखीकरण कार्यक्रम सम्पन्न भएको छ ।
कार्यक्रमको अवसरमा खानेपानी तथा सरसफाई डिभिजन कार्यलयका सन्जय सुवेदी, नेपाल घरेलु तथा साना उद्योग महासंघ जिल्ला शाखा रामेछापका अध्यक्ष चन्द्र मानन्धर,पत्रकार महासंघ वागमती प्रदेशका कोषाध्यक्ष रमेश ढुंगेल, रामेछाप उद्योग बाणिज्य संघका अध्यक्ष केशव घिमिरे लगाएतले आ आफनो मन्तब्य राख्दै हरेक उद्यम सँग खानेपनी र सरसफाई जोडिने भएकोले यसको ब्यवस्थापनका लागि सबैजना लागि पर्नुपर्ने कुरालाई जोड दिए ।
नेपाल घरेलु तथा साना उद्योग महासंघ प्रदेश महिला उद्यमी समितिकी अध्यक्ष सुलोचना श्रेष्ठको अध्यक्षता एबं मन्थली नगरपालिकाकी उप प्रमुख इश्वरी वस्नेत को प्रमुख आतिथ्यतामा कार्यक्रम सम्पन्न भएको हो ।
सो अबसरमा घरेलु तथा साना उद्यमी महिलाहरुका लागि खानेपानी तथा सरसफाई सम्बन्धि छलफल गरिएको थियो ।
कार्यक्रममा सहभागि उद्यमी महिलाहरुले पूँजीको अभावमा आफुहरुले सिकेको सीपलाई प्रयोगमा ल्याउन नसकेको भन्दै विना धितो ऋण उपलब्ध गराउन सबैले पहल गरिदिनुपर्ने वताए ।
कार्यक्रम पछि उद्यमी महिलाहरुले आ आफ्नो उद्यमलाई ब्यवस्थित बनाउने र निष्कृय रहेका घरेलु तथा साना उद्योग लाई सकृय हुने अपेक्षा गरिएको छ ।
यो बारेमा तपाईको प्रतिकृया