रामेछाप,२८ मंङ्सिर । शिक्षा तथा समन्वय इकाई रामेछापको संयोजन तथा शिक्षा विकास निर्देशनालय हेटौडाको सहयोगमा आयोजना गरिएको अन्तर पालिका माध्यामिक विद्यालय स्तरीय विज्ञान प्रदर्शनी प्रतियोगितामा मन्थली नगरपालिकाबाट प्रतियोगी कर्कलादेवी इङलिस बोर्डिङ स्कुल प्रथम भएको छ ।
यसरी गरिएको प्रतियोगितामा दितिय हुनेमा उमाकुण्ड गाउपालिकाको शिद्धेश्वर मा वि र सुनापति गाउपालिकाकाे कालिका मा बि लखनपुर र तृतिय हुनेमा खाँडादेवी गाँउपालिकाको विष्णु जनज्योति मा वि रहेका छन् । त्यसैगरी रामेछाप नगरपालिकाको गौरीशंकर मावि रामेछापले सान्वना पुुरस्कार प्राप्त गरेको छ । जिल्ला समन्वय समितिका उप प्रमुख प्रेम बहादुर थापा को प्रमुख आतिथ्यतामा सम्पन्न विजयी प्रतियोगिहरुलाई उहालेनै नगद तथा प्रमाणपत्र सहितको पुरस्कार वितरण गर्नुभएको थियो ।
पालिकास्तरवाट बाट छनौट भई प्रथम भएको सो विद्यालयलाई प्रदेश स्तरीय प्रतियोगितामा पठाइने जिल्ला शिक्षा तथा समन्वय इकाइका प्रमुख भरत बहादुर भट्टराईले वताउनुभयो ।
प्रथम हुने विद्यालयले स्थानीय खोला तथा कोशीमा भएको पानीलाई साना जलविद्युत आयोजना मार्फत विद्युत उत्पादन गरी केबुलकार समेत सञ्चालन गरेको प्रदर्शनी का अवसरमा जानकारी गराईको थियो ।
यो बारेमा तपाईको प्रतिकृया