गोकुलगंगा– रामेछापको गोकुलगंगा गाउँपालिकामा नेकपाका नेता तथा कार्यकर्ता नेकपा परित्याग गरी नेपाली काग्रेसमा प्रवेश गरेका छन् । नेपाली काग्रेसको दोस्रो चरणको राष्ट्रिय जागरण अभियान अन्तरगत गाउँपालिका स्तरीय कार्यक्रममा नेकपाको जिल्ला कमिटि सदस्य देखि सक्रिया सदस्य सहितको ७० जनाको एक समूह नेपाली काग्रेसमा प्रवेश गरेको हो ।
गोकुलगंगा गाउँपालिकाको केन्द्र रस्नालुमा शनिबार भएको कार्यक्रममा उनिहरुले पछिल्लो चरणमा नेकपाले जिल्ला कमिटिको सदस्य जस्तो पदमा रहेको व्यक्तिलाई समेत विभिन्न आसवसन देखाएर बोलेका बाचा पूरा नगरे पछि जनता झुक्याउने पार्टीमा बस्नुको कुनै अर्थ नरहेकोले काग्रेसमा प्रवेश गरेको बताएका छन् ।
गोकुलगंगा गाउँपालिका–४ रस्नालु नेकपाको शक्रिय सदस्य रहनुभएका शेखर बहादुर सुनुवारले नेपाली काग्रेसमा प्रवेश गर्दै सरकारमा रहेको पार्टीले चुनाव ताका घोषणापत्रमा उल्लेख गरेका कुनै पनि बाचा पुरा नगरेको र जनता प्रति जिम्मेवार नभएकाले नेकपा परित्याग गरेको बताउनुभयो । उहाँले अहिले रहेको नेकपाको सरकारबाट सामान्य नागरिकले विकासको महसुस गर्न समेत नपाएको गुनासो गर्दै अब नेपाली काग्रेसले जनताको पक्षमा आवाज उठाउनु पर्नेमा पनि जोड दिनुभएको छ । उनीहरुले नेपाली काग्रेसको विधान भित्र रहेर पार्टीले दिएका जिम्मेवारीलाई पुरा गर्दै संगठनको लागि सधै लाग्ने प्रतिबद्धता व्यक्त गरेका छन् ।
नेकपा परित्याग गरी नेपाली काग्रेसमा प्रवेश गरेका नवप्रवेशीलाई स्वागत गर्दै नेपाली काग्रेस रामेछापका नेताहरुले नेकपामा हुँदा भोग्नु परेका विभिन्न पीडा काग्रेमा नहुने र सर्वसाधारण नागरिकले सरकारबाट भोग्नु परेको समस्यामा नेपाली काग्रेस सधै लडीरहने प्रतिबद्धता व्यक्त गरेका छन् ।
यो बारेमा तपाईको प्रतिकृया