रामेछाप– भदौ २४ गतेबाट दोस्रो चरणको जागरण अभियान शुरु गरेको नेपाली काँग्रेस रामेछापले असोज ६ गतेबाट मन्थली नगरपालिका र रामेछाप नगरपालिकामा छुट्टा छुट्टै कार्यक्रमको आयोजना गरि दोस्रोे चरणको कार्यक्रम सकेको छ । काग्रेसले मन्थली नगरापालिकाको चनखु र उमाकुण्ड गाँउपालिकाको प्रिति बाट दोस्रो चरणको आभियान सुरु गरेको थियो ।
चनखुमा बर्मा लामा र प्रिति देवी न्यौपानेको प्रमुख आतिथ्यतामा कार्यक्रम को सूरुवात गरिएको थियो । पार्टीले असोज ७ गते मन्थलीको भैसेश्वर चोकमा जिल्ला स्तरीय आमसभा गरी दोस्रो चरणको कार्यक्रम समापन गर्ने तयारी समेत गरेको कांगे्रसका जिल्ला सचिव एक बहादुर (बिष्णु) बस्नेतले बताउनुभयो । उहाँका अनुसार जिल्ला कार्य समितिको बैठकले गरेको निर्णयका आधारमा पार्टीले जिल्लाका आठ वटै पालिकाहरुमा जागरण अभियान कार्यक्रम गरेको छ । अभियान अन्तर्गत पार्टिले सबै ठाउँमा आमसभा भेला र कार्यकर्ता भेटघाट कार्यक्रमलाई समेत जोड दिएको छ । जागरणमा पार्टीको आन्तरिक कमजोरी, समस्या र त्यसको समाधानका बारेमा केन्द्र र जिल्ला नेताहरुले सुधार गर्नु पर्ने कुराका बारेमा कार्यकर्ता बाट व्यापक कुरा उठेको छ ।
अघिपछि गुटगत रुपमा विभक्त हुने गरेका नेताहरुले समेत जागरण अभियानमा सरिक भएर पार्टी संगठन र त्यसमा सुधार गर्ने कुराहरुमा आ–आफनो ठाउँबाट सबै खालको कर्म गर्न तयार रहेको धारणा राखेका थिए । कतिपय नेता तथा कार्यकर्ताहरु भने जागरण अभियान बर्षाद र मध्य खेतिका कारण वेमौसममा लगाईएको बाली जस्तै भएकोले अभियानबाट सोचेजति उपलव्धि भने हुन नसकेको बताउँछन् । अभियानमा जिल्ला सभापति लवश्री न्यौपाने संगै जिल्ला कार्य समितिका पधाधिकारी, महाधिवेसन र महासमित सदस्य, भातृ संगठनका प्रमुख, प्रदेश समिति लगाएतका पदाधिकारीहरुको सहभागि रहेको थियो ।
यो बारेमा तपाईको प्रतिकृया