मन्थली- राष्ट्रिय प्रजातन्त्र पार्टी नेपालले बिहिवार जिल्ला सदरमुकाम मन्थलीमा चियापान तथा शुभकामना आदानप्रदान कार्यक्रमको आयोजना गरेको छ । विजया दशमी, शुभ दिपावली, नेपाल संम्वत तथा छठ पर्वको अबसरमा जिल्लाका सबै पक्षलाई आमन्त्रण गरी मन्थलीमा चियापान कार्यक्रको आयोजना गरेको हो ।
चियापान कार्यक्रममा नेकपा, नेपाली काँग्रेस लगायत जिल्लाका राजनीतिक दलका नेता तथा कार्यकर्ता, सरकारी तथा गैर सरकारी संस्थाका प्रतिनिधिहरु नागरिक समाजका अगुवा र संचारकर्मीहरुको समेत उपस्थिति रहेको थियो । कार्यक्रममा सहभागिलाई पार्टीका जिल्ला अध्यक्ष रामचन्द्र कँडेल, प्रदेश सभा सांसद रिता माझी, केन्द्रीय सदस्यहरु लालध्वज लामा, सरस्वती श्रेष्ठ लगायतका नेताहरुले स्वागत गर्नुभएको थियो ।
चियापान र शुभकामना आदान प्रदान कार्यक्रम सवै पक्ष संग मेलमिलाप र सहकार्यको सन्देश दिने उद्देश्यका साथ आयोजना गरिएको राप्रपा नेपालका जिल्ला अध्यक्ष रामचन्द्र शर्मा कडेलले बताउनुभयो । लोकतन्त्रको आगमनसँगै फरक फरक पार्टीका नाममा विभक्त भएका राप्रपा मध्ये राप्रपा नेपालले विजया दशमी पश्चात चियापान र शुभकामना आदानप्रदान गर्ने गर्ने तेस्रोे पार्टी हो । असोज २६ गते नेपाली काँग्रेस र कार्तिक ६ गते नेकपा रामेछापले पनि यसप्रकारका कार्यक्रम मन्थलीमा गरीसकेका छन् ।
यो बारेमा तपाईको प्रतिकृया