मन्थली- भारतको नयाँ राजनीतिक नक्सामा नेपालको कालापानी र लिपुलेकलाई भारतमा देखाइएको भन्दै रामेछापमा ‘गो ब्याक इण्डिया’ लेखिएको ब्यानर सहित ‘मोदी तेरो पाराले दुःख पाए साराले’ भन्ने नारा लागेको छ ।
नेकपा निकट राष्ट्रिय युवा संघ र अनेरास्ववियूले बिहिबार साँझ मन्थली बजारमा भारत विरुद्ध नारा लगाएर बजार परिक्रमा गरेका हुन् । बजार परिक्रमा पछि देवकोटाचोकमा बिरोध ¥यालीलाई सम्बोधन गर्दै पुर्व अनेरास्वबियु केन्द्रीय सदस्य सुन्दर घिमिरेले भारतले नेपाललाई हेपाह प्रबृत्ति देखाएको भन्दै सार्वजनिक भएको नक्सा सुधार गर्न माग गर्नुभयो ।
घिमिरेले भारतले नेपालको भूभागलाई आफ्नो नक्सामा राखेर नेपाली आमाको छातीमा लात्ती हानेको भन्दै नक्सा नसच्चिए भारतले गोरखालीको ताकात देख्ने चेतावनी समेत दिनुभयो ।
यो बारेमा तपाईको प्रतिकृया