उमाकुण्ड- नेपाल तरुणदल उमाकुण्डले मंसिर १४ गते हुने उपनिर्वाचनमा उमाकुण्ड–५ प्रितिमा काग्रेसबाट उम्मेद्वार बन्नुभएकी सावित्री सुनुवारलाई जिताउनको लागि तरुण युवा परिचालन गर्ने निर्णय गरेको छ । तरुणदल उमाकुण्ड गाउँपालिकाका अध्यक्ष शम्सेर कार्कीको अध्यक्षता तथा नेपाली काग्रेसका युवा नेता जित बहादुर केसी सहितको उपस्थितिमा भएको निर्णयले स्थानीय युवा हरी लामिछानेलाई संयोजक तोकेको छ । लामिछाने नेपाल तरुणदल उमाकुण्डको सदस्य समेत हुनुहुन्छ ।
तरुण भेलामा बोल्दै वडाध्यक्षकी प्रत्यासी सुनुवारले आफू युवा भएको बताउँदै युवाहरुले आफूलाई दिएको मत खेर नजाने ठोकुवा गर्नुभयो । कम्युनिस्टले जितेको ३ वर्ष हुँदा समेत दिर्घकालिन विकासको आधार समेत तयार नगरेकाले वडा नम्बर ५ पछि परेको बताउँदै आफूले जिते पछि उमाकुण्डका ७ ओटा वडा मध्यकै नमूना वडा बनाउने प्रतिबद्धता व्यक्त गर्नुभयो । कार्यक्रममा युवा नेता छविन्द्र कार्की, हेमराज सुनुवार लगायतको सहभागिता रहेको नेपाल तरुणदल उमाकुण्ड गाउँपालिकाका सचिब उपेन्द्र कार्कीले जानकारी दिनुभयो ।
यो बारेमा तपाईको प्रतिकृया