काठमाण्डौ- रामेछापको खाँडादेवी गाउँपालिकाका नेकपाका युवा कार्यकर्ताहरुले पार्टी परित्याग गरी नेपाली काग्रेसमा प्रवेश गरेका छन् । लामो समय देखि नेकपामै रहेर पार्टीको काम गर्दै आएका युवाहरुले कम्युनिस्टहरू झुठको खेतीमा लागेर जनतालाई दुःख दिने कार्यमा लागेकाले आफूहरु नेपाली कांग्रेसमा प्रवेश गरेको बताए । लोकतन्त्र रहे मात्र देश र जनताको भविष्य उज्वल हुने भन्दै कम्युनिस्टहरूको मीठा कुरामा नफस्न सबैलाई अपील समेत गरेका छन् ।
खाँडादेवी गाउँपालिका वडा नम्बर ४ पकरबासका रामहरि कार्की, हरि कार्की र रामहरी गिरीको नेतृत्वमा २१ जना नेता तथा कार्यकर्ताहरू मंगलबार नेपाली कांग्रेस प्रवेश गरेको रामेछाप कांग्रेस प्रवक्ता नारायण बहादुर खड्काले जानकारी दिनुभयो ।
खड्काका अनुसार नेपाली काग्रेसमा प्रवेश गर्नेहरुमा सम्म्बर बहादुर मानन्धर, रत्न बहादुर श्रेष्ठ, दिपक कार्की, रामचन्द्र कार्की, दिनेश कार्की, शेर बहादुर कार्की, कृष्ण बहादुर कार्की, रेवती कार्की, पुष्कर कार्की, प्रदिप सुनुवार, सुजन कार्की, खेम बहादुर कार्की, बिनोद कार्की, गौतम कार्की, देवबहादुर श्रेष्ठ, विष्णु कार्की, वीर बहादुर कार्की र नारायण कार्की रहेका छन् ।
काग्रेसमा प्रवेश गर्नेहरुलाई नेपाली काग्रेसका सभापति शेर बहादेर देउवाले बुढानिलकण्ठ स्थित देउवा निवासमा नेपाली कांग्रेसको सदस्यता दिएर काग्रेसमा स्वागत गर्नुभएको छ । सभापति देउवाले नेपाली काग्रेसमा प्रवेश गर्ने नवप्रवेशीहरुलाई योग्यता र क्षमताका आधारमा जिम्मेवारी दिइने आश्वासन पनि दिनुभयो ।
कार्यक्रममा रामेछाप कांग्रेस सभापति लवश्री न्यौपाने, पूर्वसभापति रामचन्द्र खड्का, उप–सभापति जितेन्द्र कुमार मोक्तान, सचिव द्वय लेखबहादुर कार्की र विष्णु बस्नेत तथा महासमिति सदस्यहरू कान्छाराम तामाङ, बीर बहादुर तामाङ, ध्रुव लामा, अर्जुन केसी, लगायत नेता तथा कार्यकताहरूको बाक्लो सहभागिता रहेको थियो ।
यो बारेमा तपाईको प्रतिकृया