रामेछाप– देश कोरोना भाईसका कारण लकडाउनमा रहेको बेला सरकारले ल्याएको राजनीतिक दल र संवैधानिक परिषद सम्बन्धी अध्यादेश फिर्ता लिन दवाव दिँदै रामेछापमा मौन जुलुश प्रदर्शन भएको छ । जिल्लाको सुनापति गाउँपालिका वडा नं ३ बेथानमा स्थानीयको अगुवाईमा बुधबार बिरोध जुलुस निकालिएको बताईएको छ ।
दुई अध्यादेशविरुद्ध बिरोधस्वरुप कालो ब्यानरमा प्रतिगमनकारी अध्यादेश फिर्ता गर, निरंकुशताको सपना होइन भोको पेटलाई राहत दे, महामारीको नाममा भ्रष्टाचार बन्द गर, लोकतन्त्र हाम्रो प्राण हो लगायतका नारा लेखेर टाँसिएका थिए ।
काँग्रेस नेता दिपेन्द्र खड्का, सानुबाबु पाण्डे, अञ्जन चालिसे लगायतको अगुवाईमा निकालिएको मौन जुलुसमा लकडाउनको मापदण्डलाई कायम राख्दै विपत्तीको बेला सरकारले ल्याएका अध्यादेश बेमौसमी बाजा रहेको नेता दिपेन्द्र खड्काले बताउनुभयो । केपी ओली नेतृत्वको सरकारले निरंकुशताको सपना देखेर ल्याएको अध्यादेश तुरुन्त फिर्ता नलिए कोरोना नियन्त्रण पछि आम नागरिकहरु सरकारको विरुद्धमा प्रर्दशनमा उत्रने चेतावनी समेत युवाहरुले दिएका छन् ।
यो बारेमा तपाईको प्रतिकृया