नेपाली काँग्रेसले बनाएको ‘लगानी, पूर्वाधार र रोजगार बिशेष समितिमा कान्छाराम पनि सदस्य

रामेछाप- नेपाली कांग्रेसले गठन गरेको ‘लगानी, पूर्वाधार र रोजगार दृष्टिकोण एवं दिगो परियोजना बिशेष समिति’ को सदस्यमा काँग्र्रेस नेता एवं समाजसेवी पूर्ण बहादुर तामाङ ‘कान्छाराम’ पनि सदस्यमा चयन हुनुभएको छ । बैशाख १७ गते बसेको नेपाली कांग्रेस केन्द्रीय समितिको बैठकले उद्यमी एवं सांसद विनोद चौधरीको नेतृत्वमा बनाएको समितिमा नेपाली काँग्रेस महासमिति सदस्य समेत रहनुभएका नेता तामाङ चयन हुनुभएको हो ।

त्यस्तै समितिको अन्य सदस्यहरुमा दिपक खड्का, उमेश श्रेष्ठ, ईन्द्र बानियाँ, टेकबहादुर गुरुङ, कर्मा घले, जिप छिरिङ लामा, छत्र गिरि, सूर्यबहादुर केसी, मोहन आचार्य, तेजुलाल चौधरी, अनिल रुङ्गटा, बिष्णुबहादुर खड्का र खगेश्वर बोहरा रहेका छन् ।

विश्वभर महामारीको रुपमा फैलिई रहेको कोरोना भाइरसले विभिन्न क्षत्रमा पु¥याउन सक्ने तत्कालिन असर र दीर्घकालिन असरको बारेमा अध्ययन गरेर समितिले काम गर्ने समेत सदस्य पूर्ण बहादुर तामाङ ‘कान्छाराम’ ले बताउनुभयो ।