रामेछाप- भारतले नेपालको सिमा मिचेको भन्दै फिर्ताको माग सहित राप्रप निकट विद्यार्थीले आइतबार साँझ रामेछापमा राँके जुलुस निकालेको छ । भारतले नेपालको भूमी मिचेर सडक बिस्तार गरेको भन्दै तत्काल फिर्ताको माग सहित मन्थलीको वडा नम्बर ८ गाईखुराबाट निस्केको राँके जुलुस मन्थली बजार परिक्रमा गरी देवकोटा चोकमा आएर टुङ्गिएको छ ।
राप्रप नेता चन्द्र माझीको नेतृत्वमा निस्केको राँके जुलुससँगै भारतिय प्रधानमन्त्री नरेन्द्र मोदीको पुत्ला समेत दहन गरेको राप्रप नेता चन्द्र माझीले बताउनुभयो । राप्रपका नेता तथा विद्यार्थी नेताहरुले भारत विरुद्ध भारतिय विस्तारबद मुर्दाबाद, मिचिएको सीमा चाँडो फिर्ता दे लगाएतका नारा समेत लगाएका थिए । मन्थलीको देवकोटाचोक सम्म पुगेको राँके जुलुस प्रहरीले अगाडि बढ्न नदिएपछि त्यहि टुङ्ग्याइएको राप्रप नेता चन्द्र माझीले बताउनुभयो ।
यो बारेमा तपाईको प्रतिकृया