रामेछाप- नेपाली काँग्रेस रामेछापले सरकारले गरेको हालको क्रियाकलापका बिरुद्ध जिल्ला प्रशसन कार्यलय रामेछाप मार्फत प्रधानमन्त्री कार्यालय र गृह मन्त्रालयलाई ज्ञापन पत्र बुझाएको छ । स्थानीय वीपीचोकबाट निस्केको ¥यालीले बजार परिक्रमा गरी जिल्ला प्रशासन कार्यालयमा पुगी प्रमुख जिल्ला अधिकारी रुद्रादेवी शर्मालाई पार्टी साभपति लवश्री न्यौपानेले ज्ञापन पत्र बुझाउनु भएको हो ।
ज्ञापन पत्रमा सरकारले कोभिड–१९ को सन्दर्भमा प्रभावकारी काम गर्न नसकेको, स्वास्थ सामग्री खरिदमा चरम भ्रष्टाचार भएको, लकडाउनका कारण लाखौ नेपालीले बिदेशी मुलुक र स्वदेशमा रोजगारी गुमाउदा समेत सरकार मौन बसेको लगाएतका ९ बुँदे गल्तीहरु औल्याउदै ति गल्तीहरु सच्याउन आबश्यक सुझाबहरु समेत दिएको छ । ज्ञापन पत्र बुझ्दै प्रमुख जिल्ला अधिकारी शर्माले आफुले प्राप्त गरेको ज्ञापन पत्र जस्ताको तस्तै सम्बन्धित निकायमा पठाइदिने बताउनु भयो ।
नेपाली काँग्रेसले मंगलबार ७७ ओटै जिल्लाबाट प्रधानमन्त्रीको कार्यालय र गृह मन्त्रालयलाई ज्ञापन पत्र बुझाएको छ ।
यो बारेमा तपाईको प्रतिकृया