नेपाली काँग्रेसको देशभर प्रदर्शन, रामेछापमा पनि हुदै

रामेछाप २९ मङ्सिर । वर्तमान सरकारले गरेको काम काजको विरोधमा नेपाली काँग्रेसले देशभर एकैसाथ बिरोध रयाली प्रदर्शन सुरु गरेको छ ।
यसै विच नेपाली काँग्रेस रामेछापले पनि आफ्नो बिरोध प्रदर्शन गरीरहेको छ ।

मन्थली नगरपालिका वडा नं १ भैसेश्वर चोक बाट सुरु भएको बिभिन्न नारा सहितको रयालीले मन्थली बजार परिक्रमा गरी देवकोटा चोकमा कोण सभा गरिरहेको छ ।पार्टि सभापति लबश्री न्यौपानेको अध्यक्षतामा सम्पन्न उक्त कार्यक्रममा बिभिन्न नेताहरुले बोल्ने क्रम जारी रहेको छ ।
पार्टि सचिव लेख बहादुर कार्की द्धारा सञ्चालन भइरहेको कार्यक्रममा हजारौको संख्यामा काँग्रेसका नेता तथा कार्यकर्ताहरु सहाभागि भएका छन् ।
वर्तमान सरकारको अधिनायक वाद विरुद्ध प्रदर्शन गर्ने कार्यक्रम अन्तर्गत आइतवार साझ काँग्रेस रामेछापले सिठ्ठी जुलुस समेत गरेको थियो ।