रामेछाप ७ पुष । नेपाल कम्युनिष्ट पार्टि रामेछापले प्रधानमन्त्री केपी शर्मा ओलीले गरेको संसद बिघटनको सिफारीस प्रति खेद प्रकट गरेको छ ।
पार्टिले सोमवार एक बिज्ञप्ती जारी गरी आइतवार प्रधानमन्त्री के पी शर्मा ओलीले नयाँ जनादेशका नाममा संसद बिघटन गरी निर्वाचनमा जाने गरेको निर्णय संविधानको बर्खिलापमा भएको र उक्त कदमले नेकपाका तमाम कार्यकर्ता र जनताको भावनामा चोट पुगेको भन्दै सो कदमप्रति खेद प्रकट गरेको हो ।
पार्टिका जिल्ला अध्यक्ष मैन कुमार मोक्तान र जिल्ला सचिब शान्ति प्रसाद पौडेल द्धारा संयुक्त रुपमा हस्ताक्षर गरिएको उक्त बिज्ञप्तीमा संघिय लोकतान्त्रिक गणतन्त्रको संस्थागत विकास, दीगो संरचना, विकाश निर्माण, कोभिड–१९को ब्यवस्थापन गरी नेकपालाई एकिकृत पार्टि वनाउनुको साटो संसद बिघटन गरी प्रधानमन्त्रीले जनता र देशको हित बिपरित कदम चालेको उल्लेख गरिएको छ ।
त्यसैगरी नेकपा रामेछाप नगर कमिटिले पनि छुट्टै बिज्ञप्ती जारी गरी उक्त कदमको खेद प्रकट गरेको छ ।
बिज्ञप्तीमा वर्तमान प्रधानमन्त्री ओलीले गरेको असम्बैधानिक कदमको खेद प्रकट गरिएको जनाइएको छ । बिज्ञप्तीमा रामेछाप नगर कमिटीका अध्यक्ष मोतिलाल तमाङ, सचिब होतराज ढकाल, कार्यालय सदस्यद्वय नरेश वावु श्रेष्ठ र इन्दिरा बख्रेलले हस्ताक्षर गर्नुभएको छ ।
यो बारेमा तपाईको प्रतिकृया