रामेछाप,११ फागुन । दाहाल नेपाल (दाने) समुहले रामेछापको सदमुकाम मन्थली वजारको देवकोटाचोकमा दिप प्रज्वलन गरी सर्वोच्च अदालतको फैसलाको स्वागत गरेको छ ।
मंगलवार साझ प्रधानन्यायधिस चोलेन्द्र शमसेर जबराले प्रतिनिधि सभा विघटन विरुद्ध परेको रिटमा संसद पुनःस्थापना भएको फैसला सुनाउँनु भएको थियो ।
दाने समुहका नेता तथा कार्यकर्ताहरुको सहभागितामा आयोजना गरिएको दिप प्रज्वलन कार्यक्रमका अवसरमा बोल्दै प्रदेश सांसद शान्ति प्रसाद पौडेलले सत्ता र सत्यको लडाइमा सत्यले जितेको वताउनुभयो । उहाले संसद पुनःस्थापना भएको सर्वोच्चको फैसलाको खुसियालिमा भोलि बुधवार विजय जुलुस समेत गर्ने वताउनुभयो ।
यता नेपाली काँग्रेसले पनि सर्बोच्च अदालतको फैसलाको स्वागत गरेको छ । पार्टि सभापति शेर वाहादुर देउवाले मंगलवार साँझ एक विज्ञप्ती जारी गरी पुष ५ गते प्रधानमन्त्री केपी शर्मा ओलीको नेतृत्वको नेपाल कम्युनिष्ट पार्टिको सरकारले चालेको असंवैधानिक कदमको यस अघि देखिनै विरोध गर्दै आइरहेको र विचाराधिन मुद्धालाई कसैले पनि दवाव दिएर आफ्नो पक्षमा पार्न नहुने कुरा सार्वजनिक गर्दै आइरहेको कुरा उल्लेख गर्दै विघटित प्रतिनिधि सभा पुनःस्थापना हुने गरी सम्मानित सर्वोच्च अदालतले गरेको फैसलाको सम्मन गर्दै स्वागत गरेको कुरा उल्लेख गरिएको छ ।
यो बारेमा तपाईको प्रतिकृया