रामेछाप १९ चैत्र । नेपाली काँग्रेसका महामन्त्री एबं नेपाल सरकारका पूर्व स्वास्थ्य मन्त्री गगन कुमार थापाले नजिकिदै गरेको स्थानीय चुनावमा मत माग्न घर घर जाँदा यस अघि काँग्रेसले के गरयो भन्दा पनि अब चुनाव जित्यौ भने ५ वर्ष भित्र के गछौ भन्ने प्रतिज्ञा पत्र लिएर जानुपर्ने वताउनु भएको छ ।
सो कुरा उहाले रामेछापको मन्थली नगरपालिका वडा नं १२ गेलुमा आयोजना गरिएको नव निर्मित अग्लेश्वरी महादेव मन्दिर उद्घाटनका क्रममा बताउनुभएको हो ।
उहाले नेकपा लाई ५ वर्ष सम्म गाडि चलाउन छाडिदिएको भएपनि त्यसका डाइभर के पी ओलीले ३ बर्षमै गाडि भिरवाट धकेलेर दुर्घटना गरेको र उनैले फेरी घमण्डका साथ फूई लगाएर मैले ठुलो काम गरे भन्ने गरेको बताउनुभयो ।
उहाले एउटा पूर्व प्रधानन्त्रीले वहालवाला मन्त्रीलाई शेर वहादुरजी बुढो हुनुभो अब हाम्रो पार्टिले दिएको जेष्ठ नागरिक भत्ता लिएर आराम गर्नु पर्छ भन्ने अभिब्यक्ति दिएको प्रति आपत्ति प्रकट गर्नु भयो ।
उहाले भन्नुभयो – पूर्ब मन्त्री केपी ओलीले त्यसो भन्ने हो भने हाम्रा पार्टि सभापति शेरवहादुर देउवाले पनि के पी जी मृगौला रोगी हुनुहुन्छ मेरो नेतृत्वको सरकारले गरेको मृगौला रोगिलाई मासिक रु ५ हजार उपचार खर्च दिने निर्णय कार्यन्वन गराउदै उक्त रकम लिएर आराम गर्नुस भन्दा केहि फरक नपर्ने बताउनुभयो ।
२९ लाखको लागतमा निर्मित उक्त मन्दिरको उद्घाटन प्रमुख अथिति थापाले गर्नु भएको थियो भने कार्यक्रमका अबसरमा नेपाली काँग्रेसका केन्द्रीय सदस्य कुन्दनराज काफ्ले, वागमति प्रदेश कार्यसमिति सदस्य कोकिल अस्थानी मगर,जिल्ला पार्टि सभापति पूर्णबहादुर तामाङ कान्छाराम,सचिव बिनोद कार्की,महाधिबेशन प्रतिनिधि हरु रामचन्द्र खड्का, भरत चौलागाँई, बिनिता खड्का, लगाएतले मन्तब्य राख्नु भएको थियो ।
स्थानीय गणेश बहादुरको अध्यक्षतामा सम्पन्न उक्त कार्यक्रमका अबसरमा सो मन्दिर निर्माण र मैदान सम्याउने कार्यका लागि रु २९ लाख रुपैया खर्च भएको जानकारी गराइएको थियो । कार्यक्रममा राष्ट्रिय स्तरका कलाकारहरु प्रकाश कटुवाल,सन्ध्या सानु,संगम लामिछाने, सुरज बुढाथोकी लगाएतले बिबिध सास्कृतिक कार्यक्रम प्रदर्शन गरेका थिए ।
यो बारेमा तपाईको प्रतिकृया