रामेछाप २९ चैत्र । यहि बैशाख ३० गते हुने स्थानीय निर्बाचनका लागि रामेछामा पनि ४ दल बिच गठबन्धन गरेर चुनाव लड्ने सहमति भएको छ ।
मंगलबार मन्थलीमा बसेको ४ दलको संयुक्त बैठकले उक्त समहमति गरेको हो ।
नेपाली काँग्रेस,नेकपा माओवादी केन्द्र,नेकपा समाजवादी र जनता समाजवादी पार्टि बिच गठबन्धन हुने निर्णय भएको हो । राष्ट्रिय जनमोर्चा पार्टिको खासै भुमिका र कृयाकलाप नरहेको यस जिल्लामा सत्ता साझेदार पाँच दल मध्ये ४ दल बिच मिलेर निर्बाचनमा जाने सहमति भएको हो ।
मुलुकका सत्ता साझेदार दलहरुका केन्द्रीय नेतृत्वबाट जारी गरिएको अपिलको मर्म र भावनालाई आत्मसाथ गर्दै रामेछाप जिल्लाको पाँच दलिय संयन्त्रको बैठक बसी आगामी बैशाख ३० गते हुने स्थानीय निर्बाचन का लागि सत्तामा साझेदार पाच दलको गठबन्धन र तालमेल गर्ने सहमति भएको कुरा बैठक पछि जारी गरिएको संयुक्त प्रेस बिज्ञप्तीमा उल्लेख गरिएको छ ।
गठबन्धनलाई निरन्तरता दिई निर्बाचनमा तालमेल गर्ने रणनिति बमोजिम यसलाई प्रतिकुल असर पर्ने अभिब्यक्ति नदिन र त्यस्ता कुनैपनि गतिबिधि नगर्न र नगराउन सबै तहमा निर्देशन गर्ने कुरा पनि सो पत्रमा उल्लेख छ ।
बिज्ञप्ती पत्रमा नेपाली काँग्रेसको तर्फबाट पार्टि सभापति पूर्णबहादुर तामाङ कान्छाराम, नेकपा माओवादी केन्द्र को तर्फबाट जिल्ला इन्चार्ज मैन कुमार मोक्तान,नेकपा समाजवादीको तर्फवाट जिल्ला अध्यक्ष रमेश कुमार बस्नेत र जनता समाजवादीको तर्फबाट संघिय परिषद सदस्य रोज बहादुर तामाङ ले हस्ताक्षर गर्नु भएको छ ।
चुनवमा मिलेर जाने समहमति भएपनि कुन –कुन पालिका र वडा कुन–कुन दलले लिने भन्ने बिषयमा टुंगो लागिनसकेको बैठकमा सहभागि नेपाली काँग्रेसका पार्टि सचिब बिनोद कार्कीले जानकारी दिनुभयो ।
यो बारेमा तपाईको प्रतिकृया