रामेछापमा गठबन्धनको सम्भाबना टर्दैै

रामेछाप,५ बैशाख । बैशाख ३० गते हुन लागेको स्थानीय निर्वाचनमा सहभागी हुने विषयलाई लिएर हुन लागेको दलिय गठबन्धनको सम्भाबना रामेछापमा न्युन हुदै गएको छ । जिल्लाका मुख्य तीन दल विच गठबन्धन टुँङ्गयाउनका लागि पटक–पटक भएको बैठकमा दलिय भागबण्डामा सहमति हुन नसकि सबै आ–आफ्नै अडानमा रहदा गठबन्धनको सम्भाबना न्यून भएको हो ।
केन्द्रीय नेतृत्वले गठबन्धन गरेर जानका लागि मातहत निकाय हरुलाई निर्देशन दिए पछि जिल्लाका सत्ता साझेदारी दलहरुले पटक–पटक सहमतिको प्रयास गरेका थिए । उनीहरुले संभावित गठबन्धन संगै विगत र बर्तमानमा आ–आफ्नो हैसियत र अबस्थाका बारेमा पनि छलफल गरेका थिए ।
आन्तरिक छलफल र सत्तासाझेदारी दल विचको छलफललाई एकैसाथ अघि बढाएका नेपाली काँग्रेस,नेकपा एमाओवादी र नेकपा एसका नेताहरुले मंगलबार सम्म गरेको प्रयास पनि प्राय असफल जस्तै भएको उनीहरुको भनाई बाट लगभग पुष्टि जस्तै भएको छ ।
मंगलबार विहान नेपाली काँग्रेसले माओवादी केन्द्र र नेकपा एसलाई लिखित रुपमा पत्राचार गरेर आफनो आधिकारीक दावि प्रस्तुत गरेको थियो । जसमा उसले जिल्लाका २ नगर र ६ गाउँ पालीका गरि ८ वटा पालिकाका ६४ वटा वडा मध्ये ५ प्रमुख,३ वटा उप प्रमुख र ३७ वटा वडा अध्यक्षको माग दावि गरेको थियो ।
जवाफमा नेकपा माओवादी केन्द्रले पनि लिखित रुपमा नेका र नेकपा एसलाई पत्राचार गरी गठबन्धनका लागि आफ्नो दाबि प्रस्तुत गरेको थियो । उक्त पत्रमा उसले ५ वटा पालिकाका प्रमुख र उप–प्रमुख तथा ३२ वटा वडाध्यक्षका लागि बटम लाईन बनाएर लिखित रुपमा पत्राचार गरे संगै संभावित गठबन्धनको संभाबना टरेको उनीहरुको भनाईबाट पुष्टि भएको छ । तर गठबन्धनका दुई ठुला दलविचको बटम लाईन सहितको दावि र बिशेष गरी नेकाका कार्यकर्ताको गठबन्धन विरोधि दवाबका कारण गठबन्धनको सम्भाबना टरे जस्तै भएको स्रोतको भनाई रहेको छ ।
मंगलवार साँझ सम्मको गठबन्धन र संभावित प्रयासका बारेमा नेपाली कांगेसका सभापति पुर्ण बहादुर तामाङ्ग (कान्छाराम) सँग सम्पर्क गर्दा उहाँले गठबन्धनको केहि झिनो संभाबना मात्र बाँकी रहेको भएपनि सहमतिको प्रयास भने न्युन भएको बताउनु भयो । उहाँले दलिय भागबण्डामा कुरा मिल्ने संभाबना नभएकोले गठबन्धनको संभाबना दुर भएको र मंगलबार राति सम्म पनि प्रयास जारी राख्ने र प्रयास सफल नभए बुधबारबाट मैत्रीपुर्ण प्रतिस्पर्धाका लागि पार्टिको आन्तरिक तयारीमा लाग्ने जानकारी पनि गराउनु भयो ।
उता नेकपा माओवादी केन्द्रका जिल्ला अध्यक्ष मैन कुमार मोक्तानले भने मंगलबार साँझ सम्मको गठबन्धनको प्रयासले पुर्णता नपाएको भएपनि संभावनाको ढोका भने बन्द भई नसकेको बताउनुभयो । उहाँले अझै पनि सहमति हुन सक्ने अबस्था भएपनि आफ्नो र काँग्रेसको दाबिका बारेमा भने खुलाउन चाहनु भएन ।
गठबन्धनको अबस्था र संभावनका बारेमा नेकपा समाजबादीका उप सचिब दीपक बुढथोकिले नेपाली काँगेसका कारण गठबन्धनको संभाबना टरे जस्तै भएको आरोप लगाउनु भयो । उहाँले भन्नु भयो गठबन्धनका लागि एमाओवादी सकरात्मक भएकोले अझैपनि झिनो संभाबना भएपनि सहमति हुने सम्भाबना घट्दै गएको छ । जस अन्र्तगत आफनो पार्टिले जिल्लाका ८ पालिका मध्ये मन्थली नगरपालिका र खाँडादेवी गाउँपालिका गरि दुई वटा अध्यक्ष र १५ बटा वडा अध्यक्षका लागि दावि पेश गरेको जानकारी पनि उप सचिब बुढाथोकिले गराउनु भयो ।