रामेछाप,१० वैशाख । नेकपा एमालेका बागमती प्रदेशका सदस्य एबं खाँडादेवी गाउँपालिकाका अध्यक्ष प्रेम तामाङ नेकपा समाजबादीमा समाहित भएका छन् । शनिबार पत्रकार सम्मेलन गरी तामाङले नेकपा एमाले परित्याग गरी नेकपा समाजबादीमा समाहित भएको घोषणा गरेका हुन् ।
शनिबार मन्थली स्थित आफनै नीजि निवासमा उनले पत्रकार सम्मेलन गरी आजकै मिति देखि आफुले विधिबत रुपमा नेकपा एमाले पार्टिको साधारण सदस्यता समेत त्याग गरेको घोषणा गरेका थिए । सो क्रममा उनले विगतको ३ दशक नेपालको कम्युनिष्ट आन्दोलन र २८ बर्ष देखि अनबरत रुपमा आफुले काम गर्दे आएको नेकपा एमाले हाल आएर चरम ब्यक्तिबादी,स्वेच्छाचारी,गुटगत संर्किणता,स्वेच्छचारिता, सर्बसत्ताबादी सोच अधिनायकबादी कार्यशैली अनि षडयन्त्रकारी आचरणका कारण यस पार्टिमा आएको विचलनका कारण आफुले पार्टि छाड्नु परेको कुरा उहाले बताउनुभयो ।
उहाले आफ्नो पे्रस विज्ञप्तीमा ५ बर्ष पालिकाको अध्यक्ष रहँदा आफुले जिल्लामा मात्र नभएर प्रदेश अनि देशभरीका पालिकाहरु मध्यमा पनि खाँडादेवीलाई उल्लेखनिय र नमूना अनि शुसासनमुखी पालिकाको रुपमा स्थापित गराएको दावि समेत गर्नुभएको छ । उहाले भन्नुभयभो –मेरो कार्यकालमा मैले गरेको जनमुखी काम बाट विपक्ष मात्र नभएर आफ्नै पार्टिका अग्रज भनाउँदा नेताहरु समेत अतालिएका छन् । मैले जनताको कामलाई प्रभाबकारी बनाएकोमा उनै अग्रज भनाउँदाहरुले समेत रीस गर्ने र पटक पटक काममा तगारो बन्दै आएको महसुस आफुले गरेको कुरा पनि उहाको पेस विज्ञप्तीमा उल्लेख छ ।
उहाले पार्टि त्याग गरेको विषयलाई कसैलाई पदलोलुपता भन्ने नठान्न आग्रह पनि गर्नु भएको थियो । । सो क्रममा उहाले नेकपा एसबाट भावि निर्वाचनमा सहभागि हुने कुरा नबताए पनि एमालेले उक्त पालिकामा उनलाई टिकट नदिएपछि आसन्न निर्वाचनमा नेकपा एस बाट पालिकाको अध्यक्ष पदमा लड्नको लागि पार्टि छाडेको अनुमान सबैले गरेका छन् । उहको पत्रकार सम्मेलनमा नेकपा एसका पोलिटब्युरो सदस्य देब शंकर पौडेल, होम बुढाथोकी,झम्क कडेल लगायतका नेता तथा कार्यकर्ताहरुको समेत उपस्थिति रहेको थियो ।
उनी संगै नेकपा एमालेका खाँडादेवीका पार्टि सचिब मोतिलाल तामाड, जिल्ला सदस्य एबं खाँडादेवी गाउँपालिका ७ का वडाअध्यक्ष असल सिह तामाड,वडा नं ७ का पार्टि सचिब धनराज तामाङ्ग,जिल्ला नेता शेर बहादुर तामाङ्ग लगायतले पनि एमालेको जिल्ला नेतृत्वको ब्यवहारलाई साँढे गोरुको संज्ञा दिंदै आजबाटै एमाले पार्टिको साधारण सदस्य समेत नरहने गरी पार्टि त्याग गरेको घोषणा गरेका छन् । त्यसैगरी नेकपा एमाले बाट निर्वाचित लिखु तामाकोशी गाउँपालिका ५ का वडा सदस्य अम्बर बहादुर खड्का पनि आज बाटै नेकपा एमाले परित्याग गरि नेकपा एसमा समाहित भएका छन् । उता मन्थली नगरापलिका वडा नं १ का माओवादी पार्टिवाट बिजयी भएका वडाअध्यक्ष नारायण दाश श्रेष्ठ ने क पा एमाले मा प्रबेश गरेका छन् ।
यो बारेमा तपाईको प्रतिकृया