रामेछाप,१६ बैशाख । रामेछापको मन्थली नगरपालिका वडा नं १ मा नेपाली काँग्रेस र नेकपा माओवादी केन्द्र बिच तालमेल भएको छ । नेपाली काँग्रेस केन्द्रीय समितिको स्थानीय स्तरमा तालमेल स्थानीय स्तरकै नेताहरुले मिलाउन सक्ने भन्ने परिपत्र अनुसार शुक्रवार वडा नं १ मा तालमेल भएको हो । वडा अध्यक्ष, खुल्ला सदस्य र महिला सदस्य सहित ३ जना काँग्रेसको भागमा परेको छ भने दलित महिला सदस्य र पुरुष सदस्य माओवादी केन्द्रको भागमा परेको छ ।
नेपाली काँग्रेको तर्फबाट वडा अध्यक्ष मा होमप्रसाद पौडेल (रामहरी),वडा सदस्यमा चन्द्र बहादुर माझी र महिला सदस्यमा तीज कुमारी भुजेल परेका छन् भने माओवादीका तर्फवाट बाट वडा सदस्यमा युवराज सुबेदी र दलित महिला सदस्य मैया लक्ष्मी सार्की कायम भएका हुन ।
जनआन्दोलनका घाइते समेत रहेका पौडेल त्यागी र निष्ठावान र इमान्दार नेता हुन् । उनले यस अघि वडा सदस्य जीतेर लामो समय सम्म कार्यबाहक चलाएका थिए । गठबन्धन नहुँदा पनि जित्ने योजना बनाएका पौडेलले माओवादी सँग गठबन्धन गरेपछि अझ आफु दर्बिलो उमेद्वार भएको बताएका छन् । २०६२÷६३ को जनआन्दोलनमा प्रहरीको ढुंगा प्रहार बाट घाइते भएका पौडेलको जनमत असाध्यै राम्रो भएको मन्थली १ का पूर्ब गाविस अध्यक्ष ध्रुव प्रसाद सुवेदी ले वताउनुभयो ।आफ्नो टिमको जीत सुनिश्चित भएको बताउनुहुन्छ ।
त्यसैगरी खाँडादेवी र दोरम्बा गाँउपालिकामा पनि काँग्रेस र माओवादी विच गठबन्धन भएको छ । खाँडादेवी गाँउपालिकामा अध्यक्ष काँग्रेस र उपाध्यक्ष माओवादी केन्द्रलाई दिने र दोरम्बामा माओवादी केन्द्रलाई अध्यक्ष दिने र उपाध्यक्ष काँग्रेसले लिने सहमतिका साथ गठबन्धन भएको जनाइएको छ ।
यो बारेमा तपाईको प्रतिकृया