लिखु तामाकोशी,२४ बैशाख । नेपाली काँग्रेसबाट गाउँपालिकाको अध्यक्षका उम्मेद्वार बनेका केशव महतले लिखु तामाकोसीका वासिन्दाले अब आफ्नो नेतृत्वको स्थानीय सरकार बनेपछि समृद्धिको स्वाद चाख्ने बताउनुभएको छ । उहाँले चुनावी अभियानमा बिभिन्न वडाहरुमा घर –घर मत माग्ने र चुनानबी आमसभागर्ने कार्यक्रमका अबसरमा बताउनुभएको हो । उहाँले आफ््नो नेतृत्वबाट मात्र लिखु तामाकोशी गाउँपालिकाको समृद्धिको यात्रामा अगाडि बढने र त्यसको स्वाद आगामी ५ बर्षको अवधिमा लिखुबासीले लिने बताएका हुन् ।
पालिकाका ७ वटा वडाहरुका विभिन्न स्थानहरुमा भएका चुनावी सभालाई सम्बोधन गर्दै उम्मेद्वार महतले बिगतमा लिखु तामाकोशी गाउँपालिका भित्र जे जस्ता गतिविधिहरु भए त्यसबाट आम नागरिकले भोग्नु परेका पीडामा मलम लगाउँदै समुन्नत र सम्मानित लिखु तामाकोशीवासी बनाउनका लागि आफ्नो उम्मेद्वारी रहेकोले त्यो निश्चित भईसकेको र आगामी बैशाख ३० गते हुने मतदानबाट बैधानिकता प्राप्त गर्ने बताएका हुन् ।
नेकपा एमाले,नेकपा माओवादी केन्द्र तथा नेकपा एकिकृत समाजवादीका उम्मेद्वारहरुले पैसाको बलमा लिखुमा चुनाव जित्ने दम्भ देखाएकोले त्यस्तो सपना नदेख्न उहले आग्रह गर्नुभयो । उहाले आफूहरुको त्यस्तो रणनीति र दम्भ नरहेको र आफ्नो नेतृत्व विजय हुने सम्पूर्ण शक्ती आम लिखु तामाकोशी गाउँपालिका वासीहरुले आफु प्रति देखाएको सद्भाव र दिलाएको विश्वास ले नै आफ्नो जित सुनिश्चित भएको बताउनु भएको हो ।
शिक्षा, स्वास्थ्य, खानेपानी, कृषिमा यन्त्रिकरण सहितको आधुनिकीकरण,रोजगार, पूर्वाधार बिकाश, सुशासन, भष्ट्राचार रहित पालिका, लिखुका नागरिकहरुको सम्मानत जीवनयापन,लगायतका विषयहरुमा आफ्नो नेतृत्वबाट आगामी ५ बर्षमा गर्ने कार्यको प्रतिवद्धता सहित आफुले लिखु तामाकोशी बासीसँग मत मागिरहेको बताउनुभयो ।
भोट माग्ने क्रममा नेपाली काँग्रेस लिखु तामकोशि गाँउपालिकाका अध्यक्ष भोज बहादुर खडका सुन्दरले भन्नुभयो–“पछिल्ला दिनहरुमा राजनीतिक दलहरुबाट उमेद्ववार हुने अधिकांश व्यक्तिहरु राजनीतिक पृष्ठभूमि भन्दा पनि ठेक्का पट्टा गर्ने र क्षणिक स्वार्थका लागि राजनीतिक दल प्रवेश गर्ने र उम्मेद्वार बन्ने होडवाजी हावी हुदै जाँदा महत मात्र यस्ता उम्मेदवार हुन जसको राजनीतिक यात्रा अन्य पार्टिबाट पालिकाको अध्यक्षका आकांक्षी भन्दा फरक र पृथक छ । शैक्षिक र राजनीतिक हिसावले पालिका अध्यक्षको लागि योग्य र सक्षम मानिएका महत शालिन,भद्र र अन्य राजनीतिक दलहरुको अस्तित्वलाई समेत समाहित गरेर समुन्नत पालिकाको खाका कोर्न सक्ने अब्बल व्यक्ति हुन् ।
उहाले भन्नुभयो –“एक पार्टिले अर्काे पार्टी तथा नेता कार्यकर्ताहरुलाई तुक्ष ढङ्गबाट गाली र एक अर्काको अस्तित्वलाई स्वीकार गर्न नसक्ने परिपार्टीको विकास हुदै गएको नेपालको राजनीतिमा महत जस्ता राजनीतिक व्यक्तिको खाँचो रहेको छ । विगतका दिनहरुमा पनि लिखुमा राजनीतिक दलहरु भित्र फैलिएको आन्तरिक अन्तर विरोधको नराम्ररी शिकार बनेका लिखुवासीहरु फेरी पनि त्यस्तो नहोस भन्ने तर्फ सचेत हुँदै महतको नेतृत्वबाट नै पालिकाको समुन्नती हुने र उहाकै विजय हुनेमा विश्वस्त छौ । ”
यो बारेमा तपाईको प्रतिकृया