रामेछाप, २ जेठ । रामेछाप जिल्लाको गोकुलगंगा गाँउपालिकामा नेपाली काँग्रेसका उमेद्वार काजीबहादुर खड्का (दिनेश) र उपाध्यक्षमा उषा कार्की बिजयी भएका छन् । खड्काले एमालेका उमेद्वार खड्ग बहादुर सुनुवारलाई पराजित गरेका हुन भने कार्की ले एमालेकै राधिका नेवारलाई पराजित गरेकी हुन् ।
निर्वाचन अधिकृत रामप्रसाद पौडेलले दिनुभएको जानकारी अनुसार खड्काले ६ हजार ९३ मत प्राप्त गरेका थिए भने । उनका प्रतिस्पर्धी सुनुवारले ४ हजार ७ सय १० मत पाएका थिए ।
त्यसैगरी उपाध्यक्षमा नेपाली कांग्रेसकै उषा कार्की ले ५ हजार २ सय ५३ मत पाएकि थिइन भने उनकी प्रतिद्धन्दी एमालेकी राधिका नेवार श्रेष्ठले ४ हजार ६ सय ८६ मत पाएकी थिइन ।
गोकुलगंगा एमालेको आधार इलाकाको रुपमा रहेको थियो । यसअघिको निर्वाचनमा गाउँपालिकाको अध्यक्ष र उपाध्यक्षमा विजयी सुनुवार र नेवारलाई एमालेले यो पटक पनि उम्मेदवार बनाएको हो । हालका विजयी खड्का नेपाल तरुण दल रामेछापका अध्यक्ष हुन भने उपाध्यक्ष कार्की नेपाली काँग्रेसको चौधौं जिल्ला अधिबेशनबाट निर्बाचित महाधिबेशन प्रतिनिधि हुन् ।
यो बारेमा तपाईको प्रतिकृया