रामेछाप,१८ साउन । नेपाली काँग्रेस जिल्ला कार्य समिति रामेछापको मंगलवार मन्थलीमा सम्पन्न बैठकले खाँडादेवी गाउपालिकाका सूर्य श्रेष्ठ जिल्ला कार्यसमितिमा मनोनित भएका छन् भने उपसभापति नवराज थोकर र सदस्य कमल प्रकाश सुनुवारको बिभागिय समितिको संयोजक पद खोसिएको छ ।
बुधवार पार्टि प्रबक्ता नारायण बहादुर बोगटिले जारी गर्नु भएको प्रेस बिज्ञप्तीका अनुसार उप सभापति थोकरलाई र जिल्ला कार्य समिति सदस्य कमल प्रकाश सुनुवारलाई यस अघि क्रमश जिल्ला प्रशिक्षण समिति र अनुशासन समितिकोको संयोजकका मनोनयन गरिएको भएपनि निजहरुले हाल सम्म पनि उक्त समितिलाई पूर्णता दिन नसकेको र पटक पटकको जिल्ला कार्यसमितिको बैठकलाई बहिस्कार गरेको भन्दै उनीहरुको पद खोसिएको जनाइएको छ ।
उक्त पदहरुमा बिधान अनुसार प्रशिक्षण बिभागको संयोजकमा अर्का उप सभापति लेख बहादुर कार्की र अनुशासन बिभागको संयोजकमा केशर बहादुर मगरलाई मनोनयन गरिएको पनि जनाइएको छ ।
बैठकले यस अघि गठन गरेको जिल्ला कार्य सम्पादन समिति पनि भंग गरी नारायण बहादुर बोगटिको संयोजकत्वमा चिना खड्का कार्की, कमान खड्का, बिमला कार्की र सन्जीव बि क लाई मनोनयन गर्ने समेत निर्णय भएको जनाइएको छ ।
बैठकले स्थानीय निर्बाचनमा नेपाली काँग्रेसको तर्फबाट बिजयी हुनुहुने जिल्ला समन्वय प्रमुख, नगर प्रमुख, उपप्रमुख, गाँउपालिका अध्यक्ष,उपाध्यक्ष, वडा अध्यक्षहरु,सदस्यहरु कार्यपालिका सदस्यहरु समेतलाई बधाई एबं शुभकामना दिने निर्णय गरेको कुरा पनि बिज्ञप्तीमा उल्लेख छ ।
यो बारेमा तपाईको प्रतिकृया