रामेछाप,२२ असोज । मुख्य निर्वाचन अधिकृतको कार्यालय रामेछापले आसन्न प्रतिनिधि सभा सदस्य तथा प्रदेश सभा सदस्य र्निाचनका विभिन्न विषयवस्तुमा छलफल गर्न शनिवार सर्वदलिय बैठक को आयोजना गरेको छ ।
बैठकमा निर्वाचन आयोगले निर्धारण गरेको आचारसंहिता र भोलि (आइतवार) गरिने मनोनयन दाखिला र त्यसका लागि चाहिने आबश्यक कागजातका वारेमा छलफल गरिएको थियो ।
मुख्य निर्वाचन अधिकृत इन्दिरा शर्माको अध्यक्षतामा सम्पन्न उक्त बैठकमा निर्वाचन आयोगले जारी गरेको आचार संहिता कडाइका साथ लागु गर्ने र आइतवार मनोनयन दाखिला गर्न १० बजे देखि ११ बजे सम्म स्वतन्त्रलाई, ११ बजे देखि १२ बजे सम्म मंगोल नेशनल अर्गनाइजेशनलाई, १२ बजे देखि १ बजे सम्म नेकपा एमालेलाई, १ बजे देखि २ बजे सम्म नेपाली काँग्रेस (गठबन्धन) लाई २ बजे देखि ३ बजे सम्म राप्रपा लाई ३ बजे देखि ३ः३० सम्म राप्रपा नेपाल लाई ३ः३० देखि ४ बजे सम्म नेकपा एस लाई समय उपलब्ध गराउने मौखिक सहमति भएको छ ।
कार्यक्रमका अबसरमा बोल्दै प्रमुख जिल्ला अधिकारी शोभाखर रेग्मीले स्थानीय प्रशासन र मुख्य निर्वाचन अधिकृतको कार्यालयले निष्पक्ष ढंगबाट रेफ्रीको भुमिका निर्वाह गर्ने दल तथा उमेद्वारहरुले अनुसासित र आचार संहिता पालना गरेर खेल खेल्ने पर्व नै चुनाव हो भन्दै सबैले आचारसंहिता पालना गरि स्वास्च्छ र निस्पक्ष ढंगबाट निर्बाचन मा सहभागि आम निवाचन सफल पार्न आग्रह गर्नु भयो ।
प्रतिनिधि सभा निर्वाचन क्षेत्र नं १ तथा प्रदेश सभा निर्वाचन क्षेत्र नं र र २ पहिलो हुने निर्वाचित हुने निर्वाचन प्रणाली तर्फको मुख्य निर्वाचन अधिकृतको कार्यालय रामेछापले जारी गरेको निर्वाचन तालिका अनुसार– यहि असोज २३ गते १० देखि ५ बजे सम्म उमेद्वारहरुको मनोनयन पत्र दाखिला,सोहि दिन ७ वजे मनोनय पत्र दर्ता भएको उमेद्वारहरुको सूचि प्रकाशन,२४ गते ३ बजे सम्म उमेद्वारको बिरोधमा उजुरी दिने, सोहि दिनको ३ बजे देखि २५ गते साझ ५ बजे सम्म उजुरी उपर छानविन गरी निर्णय पश्चात उमेद्वारको नामावली प्रकाशन गर्ने,कार्यक्रम रहेको छ । त्यसैगरी २६ गते १ बजे सम्म उमेद्वारहरुको नाम फिर्ता लिने, सोहि दिन ३ बजे सम्ममा उमेद्वारको अन्तिम नामावली प्रकाशन गर्ने र ४ बजे देखि ७ बजे सम्म उमेद्वारहरुलाई निर्वाचन चिन्ह प्रदान गर्ने पहिलो चरणको निवाचन कार्यक्रम समेत सार्वजनिक गरिएको थियो ।
यो बारेमा तपाईको प्रतिकृया