२२ भदौ, २०७६
मन्थली- दोलखाको बैतेश्वर गाउँपालिका वडा नं. ३ का एक व्यक्ती काँकाडभिट्टाबाट बसमा दोलखा आउने क्रममा लुटिएका छन् । मजदुरीका लागि इण्डिया गएका बैतेश्वर ३ का दिल बहादुर राउत घर फर्कने क्रममा लुटिएको जिल्ला प्रहरी कार्यालय रामेछापले जानकारी दिएको छ । स्टाकोटको भित्री गोजीमा राखेको १ लाख ८५ हजार रुपैयाँ गोजी नै काटेर लगेको जिल्ला प्रहारी कार्यलयका प्रहरी प्रमुख प्रहरी नायव उपरिक्षक सन्तोष कुमार भट्राईले जानकारी दिनुभयो ।
आइतबार राती काँकाडभिट्टाबाट दोलखा आएको ना ४ ख ४६१० नम्बरको यात्रुवहाक बसमा चढ्नु भएका राउतले रामेछापको मन्थलीमा आए पछि मात्रै आफू लुटिएको थाहा पाएर प्रहरीलाई जानकारी गराउनुभएको थियो । आफूहरुले सूचना पाउन साथ यात्रु सहित बसलाई नियन्त्रणमा लिएर खानतलासी गर्दा नभेटिएको प्रहरी प्रमुख भट्टराईले बताउनुभयो । उहाँले भन्नुभयो– ‘मजदुरीका लागि इण्डिया जानुभएका राउत आफ्ना दुई भतिज सहित दशै मनाउन घर आउनु भएको रहेछ, काँकाडभिट्टाबाट बसमा चढे पछि सुनसरीमा बस रोकेको ठाउँमा चटपटे खान ओर्लिएको भन्नुहुन्छ । त्यति बेला पनि पैसा आफैसँग भए नभएको समेत उहाँलाई थाहा छैन् । उहाँले आफूलाई संका लागेको ठाउँ पनि भन्न सक्नु भएन, त्यसैले पत्ता लगाउन गह्रो भयो ।’
खुर्कोटबाट मन्थली आउँदा बीचमा बस नरोकिएको र त्यहाँबाट मन्थली आउँदा कुनै पनि यात्रु नझरेकाले खुर्कोट भन्दा उतै पैसा हराएको हुन सक्ने प्रहरीको अनुमान छ । गोजी काटेर पैसा लगेको हुनले पैसा लाने व्यक्ति सामान्य नभई लुटपाटमा संलग्न भएको व्यक्ति नै हुन सक्ने प्रहरीको दाबी छ ।
चाडपर्वमा यात्रा गर्दा सचेत रहन प्रहरीको अनुरोध
रामेछापका प्रहरी प्रमुख सन्तोष भट्टराईले दशै लगायत विभिन्न चाडपर्वमा बसमा यात्रा गर्दा विशेष गरी यात्रुहरु बढी सचेत हुनु पर्ने बताउनुभएको छ । प्रनाउ भट्टराईले लामो बाटोको यात्रा गर्दा धेरै पैसा भए बैंक तथा वित्तिय संस्थाबाट पठाएर मात्रै हिड्न आग्रह गर्नुभएको छ । त्यस्तै सवारी चालक तथा सहचालकहरुले पनि आफ्नो बसमा यात्रा गर्ने यात्रुहरुको सुरक्षालाई ध्यानमा राखेर जहाँ पायो त्यही बस नरोक्ने, बीचमा अपरिचित व्यक्तिहरुलाई नचढाउने, कुनै व्यक्तिमाथि संका लागेमा प्रहरीलाई खबर गर्ने, बाटोमा यात्रुको ख्याल गर्ने जस्ता कार्यलाई ख्याल गर्नु पर्ने बताउनुभयो ।
यो बारेमा तपाईको प्रतिकृया