रामेछाप,२७ पुष । रामेछाप जिल्लाको मन्थली नगरपालिका वडा नं–११ गेलुमा सोमवार साँझ वलेरो दुर्घटना हुँदा ५ जना घाइते भएका छन् ।
यसरी दुर्घटनामा परी घाइतेहुनेहरूमा मन्थली नगरपालिकाका वडा नं–११ का तुलाध्वज मगर, बालकुमार मगर र टंकबहादुर मगर रहेका छन् भने मन्थली नगर पालिका वडा नं वडा नं–१० का ललितबहादुर मगर र भिमवहादुर पुलामी मगर रहेका छन् । घाइते मध्ये भिमबहादुर मगरको अवस्था भने गम्भीर रहेको छ । उनको टाउकोमा चोट लागेको छ ।
मन्थली नगरपालिकाको वडा नं–११ गेलुको नाटिलाबाट सोही वडाको डाँडागाउँ तर्फ जादै गरेको बा १८ च ६९४३ नम्वरको बलेरो दुर्घटना हुँदा गाडीमा रहेका ५ जना घाइते भएका हुुन् । गाडि सडकवाट करिव ३५ मिटर तल खसेको थियो । स्थानीय जननिर्वाचित प्रतिनिधि जितवहादुर तमाङ्गका अनुसार घाइते सबैको उद्धार गरी उपचारका लागि मन्थली पठाइको छ भने गम्भिर घाइतेहुनेलाई काठमाण्डौ पठाइएको छ । घटनाको जानकारी पश्चात मन्थलीवाट गएको प्रहरीको टोलीले घटनास्थल पुगि अनुसन्धान थालेको छ । चालक भने हालसम्म फरार रहेको प्रहरीले जनाएको छ ।
यो बारेमा तपाईको प्रतिकृया