रामेछाप १९ फागुन । रामेछाप जिल्लाको मन्थलीस्थित सशस्त्र प्रहरी वल,नेपाल आश्रित गुल्म रामेछापमा ३ दिने अग्नि नियन्त्रक अनुशिक्षण तालिम बुधवारवाट सुरु भएको छ ।
सो तालिको उद्घाटन मन्थली नगरपालिकाका नगर प्रमुख रमेश कुमार बस्नेतले गर्नु भएको थियो ।
तालिममा सशस्त्र प्रहरी, जनपद प्रहरी, नेपाली सेना, मन्थली न.पा.का कर्मचारीहरू,नेपाल रेडक्रस सोसाइटिका कर्मचारी तथा स्वंयम सेवक, र जिल्ला वन कार्यालयका कर्मचारी सहित ३५ जना सहभागि रहेका छन् ।
मन्थली नगरपालिकाको सहयोगमा सञ्चालन भएको उक्त तालिममा सशस्त्र प्रहरी वल,नेपाल आश्रित गुल्म रामेछापका प्रहरी नायव उपरीक्षक केशव राज प्याकुरेल,प्रहरी सहायक निरीक्षक सुजन केशी,स. प्र.ना.नि लक्ष्मण गौतम स.प्र.स.ह युवराज विश्वकर्मा, स.प्र.ज नविन कुमार वस्नेत, नागरिक उड्डेन कार्यालयका अग्नि नियन्त्रक द्वय मधुसुदन थापा र राजेन्द्र थापाले प्रशिक्षण दिइरहनु भएको छ ।
कार्यक्रमका अवसरमा वोल्दै कार्यक्रमका प्रमुख अतिथि एबं मन्थली नगरपालिकाका नगर प्रमुख रमेश कुमार वस्नेतले यो तालिम जिल्लामा अत्यावश्यक भएको वताउनुभयो । उहाले मन्थली नगरपालिकामा अग्नि नियत्रणका विभिन्न उपकरणहरु हुँदाहुँदै पनि ति उपकरणहरू चलाउन सक्ने दक्ष जनशक्ति नहुँदा समस्या भैरहेको वर्तमान अवस्थामा यो तालिमले दक्ष जनशक्ति उत्पादन हुने बिश्वास ब्यक्त गर्नुभयो ।
सो अवसरमा कार्यक्रका सहभागिहरुलाई स्वागत गर्दै डि एस पी प्याकुरेलले जिल्लामा अग्नि नियन्त्रक पर्याप्त नहुँदा समस्या भैरहेको कुरा पहिचाहन भएपछि आफ्नो पहलमा नगपालिका सँग मिलेर यो तालिम आयोजना गरेको वताउनुभयो ।
यो बारेमा तपाईको प्रतिकृया