मन्थली- मंगलबार विहान झुल्के घामको किरणसँगै जिल्ला समन्वय समिति रामेछापको प्राङ्गणमा चारै तिर बातवरण मैत्री चित्रै चित्र झुण्डिएका थिए । त्यहाँ झुण्ड्याईएका चित्र हामी मानव जातीकै कारण विग्रँदै गएको वातावरणलाई जोगाउनु पर्ने सन्देशले भरिपुर्ण थिए । भविष्यका कर्णधार उपनाप पाएका बालबालिकाले तयार पारेको वातावरणमैत्री चित्रले दर्शकको मान मात्रै लोभ्याएन वातावरण जोगाउनलाई मार्गनिर्देश समेत गरेको छ ।
वातावरण संरक्षण परियोजनाले ३० औं अन्तराष्ट्रिय बाल अधिकार दिवस २०१९ को अवसर पारेर राखेको चित्रकला प्रदर्शनीमा बालबालिकाले तयार पारेको चित्रले हाम्रो मन लोभ्याउनुको साथै वातावरणको महत्व मात्रै दिएन् उनिहरुको आफ्नो कलालाई पुरस्कृत नै ग¥यो । यसरी आफ्नो चित्र उत्कृष्ट भए बापत ६ जना विद्यार्थीले पुरस्कार समेत पाएका छन् । चित्र कोरे बापत लिटिल स्टार इंगिलिस बोर्डिङ स्कुलकी छात्रा रीना शाह प्रथम, मन्थली माविका छात्र विवश श्रेष्ठ द्वितिय र लिटिल स्टार इंगिलिस बोर्डिङ स्कुलकै छात्रा सन्जिता तामाङ तृतिय भएका छन् । त्यस्तै मन्थली माविका छात्रा प्रेमिका श्रेष्ठ, कर्लकलादेवी बोर्डिङ स्कुलका छात्र नविन बस्नेत र बेतेनी आधारभूत विद्यालयका छात्र अनिल शाही सान्तोना भएका छन् । प्रथम, द्वितिय, तितृय र सान्तोना हुने विद्यार्थीलाई क्रमश : पाँच हजार, तीन हजार, दुई हजार र एक हजार नगदको साथमा प्रमाणपत्रले सम्मान गरिएको छ ।
वातावरण संरक्षण परियोजनाको साझेदार संस्था श्रृजनशिल युवा समाजका अध्यक्ष भुवन श्रेष्ठको अध्यक्षता तथा जिल्ला समन्वय समिति रामेछापका प्रमुख प्रेम बहादुर खड्काको प्रमुख आतिथ्यतामा भएको कार्यक्रममा मन्थली नगरपालिकाका नगर प्रमुख रमेश कुमार बस्नेत, उपप्रमुख माया कुमारी कार्की, टिडिएच नेपालका देशिय संयोजक श्याम कृष्ण श्रेष्ठ, सामुदायिक विकास समाजका कार्यकारी निर्देशक मिलन कुमार घिसिङ, नेकपाकी नेता शान्ता सापकोटा, नेपाल पत्रकार महासंघ रामेछाप अध्यक्ष रमेश ढुङ्गेल लगायतले बालबालिकाको वातावरणीय अधिकारको बारेमा आ–आफ्नो धाराण राखेका थिए ।
यो बारेमा तपाईको प्रतिकृया