२१ बैशाख, २०७६
रामेछाप– रामेछापका विभिन्न विद्यालयमा शैक्षिक सामाग्री वितरण गर्दै आउनुभएका शैक्षिक अभियान्त तथा समाजसेवी भरतप्रसाद चौलागाईले गोकुलगंगा गाउँपालिका–२ ठोसेका विद्यालयमा अध्ययनरत विद्यार्थीहरूलाई विद्यालय पोशाक, ब्याग लगायतका सामाग्रीहरु वितरण गर्नुभएको छ ।
नेपाली काग्रेसका महाधिवेशन प्रतिनिधि समेत रहनुभएका चौलागाईले आफ्नो ब्यक्तिगत खर्चमा ठोसेमा रहेका सबै विद्यालयका विद्यार्थीहरूलाई शिक्षा आर्जन गर्न थप सहयोग पु¥याउने उद्देश्यका साथ उक्त सामाग्री वितरण गर्नु भएको हो ।
विद्यालयमा कार्यरत शिक्षकलाई पनि ब्याग वितरण गरिएको छ । त्यस्तै ठोसेमा रहेको श्री शारादा माविलाई शैक्षिक सुधारमा सहयोग पु¥याउने उद्देश्यले ३० थान सिसि क्यामेरा पनि प्रदान गरिएको छ ।
शुक्रबार शारादा मावि ठोसेका विद्यालय व्यवस्थापन समितिका अध्यक्ष महेश प्रधानको अध्यक्षता तथा नेपाली काग्रेस रामेछापका पुर्व पार्टी सभापति रामचन्द्र खड्काको प्रमुख आथ्यितामा भएको कार्यक्रममा बोल्दै चौलागाईले आफूले विद्यार्थी जीवनमा निकै दुःख भोगेको स्मरण गर्दै त्यस्तो दुःख अहिलेका विद्यार्थीहरूको जीवनमा नआओस भनेर शैक्षिक सामाग्री वितरण गरिएको बताउनुभयो ।
उहाँले आगमी दिनमा जिल्लाका सबै विद्यालयमा यसैगरी सहयोग गर्दै जाने प्रतिबद्धता पनि व्यक्त गर्नुभएको छ । यस अघि पनि चौलागाईले रामेछाप जिल्लाका अधिकासं विद्यालयमा सिसि क्यामेरा, विद्यार्थीहरूलाई शैक्षिक सामाग्र र शिक्षकहरूलाई ब्याग सहयोग गर्दै आउनुभएको छ । कार्यक्रममा नेपाली काग्रेस रामेछापका नेताहरु, स्थानीय तहका जनप्रतिनिधि, शिक्षक लगायतले बोलेका थिए । कार्यक्रममा गोकुलगंगा–२ ठोसेका विभिन्न विद्यालयमा अध्ययनरत विद्यार्थी, अभिभावक, शिक्षक लगायतको सहभागिता रहेको थियो ।
यो बारेमा तपाईको प्रतिकृया