रामेछाप पुष १ गते । रामेछाप जिल्लाको मन्थली नगरपालिका वडा नं ९ मा रहेको श्री स्थानापति मावि बङ्गेसल्लाको नव निर्मित भवन आज एक समारोहका बिच विद्यालयलार्य हस्तान्तरण गरिएको छ ।
विद्यालय ब्यवस्थाप समितिका अध्यक्ष कर्मन तामाङको अध्यक्षता एबं मन्थली नगरापालिकाका नगर प्रमुख रमेश कुमार बस्नेतको प्रमुख आतिथ्यतामा भवन हस्तान्तरण भएको हो । कुल ९ करोड ८३ लाख को लागतमा भवन निर्माण कार्य सक्ने गरी ठेक्का सम्झौता गरिएको भएपनि काम थपिएपछि १३ करोड ५० लाखको लागतमा उक्त भवनहरु निर्माण भएका हुन ।
१० ÷१० कोठे २ वटा भवन का अलावा मेसिनरी वाल छात्र र छात्राका लाई छुट्टा छुट्टै सौचालय हरु समेत रहेका छन । कार्यक्रमका अवसरमा बोल्दै प्रमुख अतिथि वस्नेतले नपढाउने शिक्षका दिन अब गएको बताउनु भयो । उहाले भौतिक संरचनामात्र भएर नपुग्ने त्यसलाई जिवन्त राख्न बिद्यार्थीको संख्या बृद्धि गरी गुणस्तरीय शिक्षा लाई जोड दिनुपर्ने बताउनु भयो । कार्यक्रमका बिशिष्ट अतिथि पूर्ण बहादुर तामाङ (कान्छाराम) ले गुणस्तरीय विद्यलयभवनले गाउकै मुहारफेरेको भन्दै भवन अनुसारको पठन पाठनमा लाग्न सम्बन्धित सबैलाई आग्रह गर्नुभयो । उहाले नेपाली काग्रेसको उर्वर भूमि पुरानागाउ लाई नयाँ गाउ वनाउन सबै लाग्नुपर्ने र त्यसका लागि आफुले पनि सहायोग गर्ने बताउनु भयो ।
कार्यक्रमका अबसरमा नेकपा का नेता गोपाल श्रेष्ठ, नेपाली काँग्रेसका सचिब लेख बहादुर कार्की , वडा अध्यक्ष बुद्धि बहादुर पुलामी , नेपाल पत्रकार महासंघ रामेछापका अध्यक्ष रमेश ढुंगेल, जिल्ला अयोजना कार्यान्वयन इकाइका प्रमुख निर्मल घिमिरे, शिक्षक महासंघका अध्यक्ष राम बहादुर श्रेष्ठ, निर्माण ब्यवसायि दिपेन्द्र कार्की, भिमेश्वर मावि चिसापानीका प्रअ शंकर ढुंगेल, बिद्यालय ब्यवस्थापन समितिका पूर्ब अध्यक्ष गोकर्ण राज आरन लगाएतले बोल्नु भएको थियो । कार्यक्रममा कलाकार कुमार कार्कीले बिबिध सास्कृतिक प्रस्तुति दिनुका साथै अतिथि र दर्शकहरुलाई समेत नचाउनु भएको थियो ।
यो बारेमा तपाईको प्रतिकृया