समताको भवन शिलान्यास, ६ महिना भित्र १३ कोठे भवन निर्माण गरिने

रामेछाप ,१३ फागुन । समता एजुकेशन ट्रस्ट द्धारा रामेछापको मन्थलीमा सञ्चालित समता स्कुलको शुक्रवार शिलान्यास गरिएको छ ।
समता स्कुलकी पिन्सिपल मनिषा बुढाथोकीको अध्यक्षतामा सम्पन्न उक्त भवनको शिलान्यास मन्थली नगरपालिकाका नगर प्रमुख रमेश कुमार बस्नेतले गर्नु भएको थियो ।

स्थानीय चन्द्र बहादुर माझीले जिल्ला आयुर्वेद कार्यालय नजिकै रहेको साढे ६ रोपनी जग्गा २० बर्षका लागि भाडामा दिएपछि उक्त जग्गामा ६ महिना भित्र १३ कोठे भवन निर्माण हुन लागेको हो ।
सो अबसरमा बोल्दै नगरप्रमुख बस्नेतले चैत्र मसान्त सम्ममा दुई पक्षिय सम्झौता गरी भवन निर्माणका लागि नगरपालिकाबाट १५ लाख उपलब्ध गराउने घोषणा गर्नु भएको छ । आफु जहिले पनि शिक्षा र स्वास्थ्यको क्षेत्रमा सहयोग गर्न रुचाउने भएकोले आफ्नो बार्षिक आम्दानीको १० प्रतिशत रकम पनि हरेक बर्ष ब्यक्तिगत रुपमा समताको कोषमा जम्मा गर्ने प्रतिबद्धता गर्नुभयो ।

उहाले मन्थली नगरपालिकालाई शैक्षिक हब बनाउने आफ्नो योजना भएकोले बिद्यमान महंगो शिक्षा प्रणालीलाई न्यूनिकरण गर्दै सरल र गुणस्तरीय शिक्षामा आफुले पनि जोड दिइरहेको बताउनुभयो ।
कार्यक्रमका अबसरमा बोल्दै समता एजुकेशन ट्रस्टका निर्देशक दिपक सञ्जेलले क्रिश्चियन धर्मको प्रचार गर्ने समता स्कुल भन्ने घेरैको बुझाइ गतल भएको बताउनुभयो । उहाले यो धर्म प्रचारक नभइ गरिवका छोराछोरीले सस्तोमा गुणस्तरीय शिक्षा पाउन भन्ने पबित्र उद्देश्य राखि राष्ट्रिय तथा अन्तराष्ट्रिय स्तरमा यस्ता बिद्यालयहरु देशभर खुलेको बताउनु भयो ।

उहाले समता एजुकेशन ट्रस्ट द्धारा सञ्चालित बिद्यालय हरुका लागि बार्षिक रुपमा १५ करोड आबश्यक हुने र बिद्यार्थीहरु बाट प्राप्त रु १०० का दरले रु ७ करोड संकलन हुने र बाँकी ८ करोड राष्ट्रिय स्तरका ब्यक्ति तथा संघ संस्थाहरुले दिएको सहयोग तथा दान बाट चल्ने गरेको बताउनुभयो ।
उहाले हरेक जिल्लामा सञ्चालन रहेको समता स्कुलका लागि भात (भाडा,तलब) को समस्या भएकोले त्यसको समस्या समाधानका लािग सबैजना लागि पर्न र सहयोगी मनहरुलाई सहायोग गर्न अनुरोध गर्नुभयो ।
सो अबसरमा बोल्दै उहाले रु १०० मा प्ले ग्रुप देखि स्नातकोत्तर तह सम्मको पढाइ हुने समता स्कुल बौद्धमा रहेको भन्दै यस बिद्यालयमा पढेका बिद्यार्थीहरु मध्ये कोहि टि यू टपर ,२९ जना डाक्टर र ३२ जना इन्जीनियर साथै २० जना भन्दा बढि पत्रकार बनिसकेको र एक जना बहिनीले छात्रबृत्ति प्राप्त गरेर अन्तराष्ट्रिय स्तको सबै भन्दा महगाें बिद्यालयमा पढने अबसर प्राप्त गरेकोले समता स्कुलको गुणस्तरीयतामा कुनैपनिकमि नहुने बताउनुभयो ।

कार्यक्रमका अबसरमा बोल्दै स्थानीय समाजसेवी तेज प्रसाद सुबेदीले भवन निर्माणका लागि रु १ लाख दिने घोषणा गर्नु भएको छ भने शिक्षक, शिक्षिका र अभिभावकहरुले पनि आफुले सकेको सहयोग गर्ने प्रतिबद्धता ब्यक्त गरेका छन् ।